Spider Man | ఇదిగో రియల్ లైఫ్ స్పైడర్‌ మ్యాన్‌.. నెట్టింట వైరల్ అవుతున్న ఫొటో!

Spider Man | మనకు తెలియని ఎన్నో అందాలు అడవుల్లో ఉంటాయి. ఇలాంటివి ఫారెస్ట్ అధికారుల కళ్లకు కనబడుతుంటాయి. ఇటీవలి కాలంలో ఇండియన్ ఫారెస్ట్ సర్వీస్ అధికారులు తమకు

మనకు తెలియని ఎన్నో అందాలు అడవుల్లో ఉంటాయి. ఇలాంటివి ఫారెస్ట్ అధికారుల కళ్లకు కనబడుతుంటాయి. ఇటీవలి కాలంలో ఇండియన్ ఫారెస్ట్ సర్వీస్ అధికారులు తమకు కనిపించిన వింతలు విశేషాలను సోషల్ మీడియాలో పంచుకుంటూ ప్రకృతి అందాలను ప్రజలకు పరిచయం చేస్తున్నారు. ఇప్పుడు తాజాగా ఐఎఫ్‌ఎస్‌ అధికారి సుశాంత నంద షేర్ చేసిన ఫొటో కూడా అలాంటిదే.

ఎరుపు, నీలం రంగుల్లో ఉన్న ఊసరవెల్లి ఫొటోను ఆయన షేర్ చేశారు. దీనిపేరు మ్వాంజా ఫ్లాట్-హెడెడ్ రాక్ అగమా అట. ‘దీన్ని కొందరు స్పైడర్ మ్యాన్‌ అగమా అని కూడా పిలుస్తారు. సినిమాల్లో స్పైడర్ మ్యాన్‌ చేసినట్లే ఇది కూడా నిలువుగా ఉండే గోడలపై పాకుతుంటుందని తెలుసా?‘ అని సుశాంత నంద వివరించారు. దీన్ని చూసిన నెటిజన్లు ఆశ్చర్యం వ్యక్తం చేస్తున్నారు.

‘ఎట్టకేలకు స్పైడర్‌ మ్యాన్‌ సూట్ డిజైనర్‌ దొరికాడు‘ అని కొందరు ట్వీట్ చేస్తే.. స్పైడర్‌ మ్యాన్‌తో ఒక బల్లి లవ్‌లో పడితే ఇలాగే ఉంటుందంటూ మరికొందరు జోకులేస్తున్నారు. ఏదిఏమైనా ఈ ట్వీట్ అలాగే ఈ స్పైడర్‌ అగమా ప్రస్తుతం ట్విట్టర్‌లో వైరల్‌గా మారిన మాట మాత్రం వాస్తవం.

https://twitter.com/susantananda3/status/1473314872595124232