Dushera Cultural Night | సింగపూర్ తెలుగు సమాజం (ఎస్టీఎస్) ఆధ్వర్యంలో దసరా సందర్భంగా అత్యంత వేడుకగా దసరా కల్చరల్ నైట్ -2023 కార్యక్రమం నిర్వహించాలని నిర్ణయించారు. ఈ నెల 28 (శనివారం) సాయంత్రం మూడు గంటల నుంచి నాన్యంగ్ ఆడిటోరియంలో దసరా కల్చరల్ నైట్ -2023 జరగనున్నది. ఈ కార్యక్రమంలో ప్రఖ్యాత తెలుగు యాంకర్ సుమ కనకాల తొలిసారి సింగపూర్ కార్యక్రమం నిర్వహిస్తున్నారు. ఈ నేపథ్యంలో దసరా కల్చరల్ నైట్ ఆద్యంతం చాలా ఉత్సాహబరితంగా ఉండబోతుందని కార్యక్రమ నిర్వాహకులు కురిచేటి జ్యోతీశ్వర్ రెడ్డి తెలిపారు.
ప్రఖ్యాత జబర్దస్త్ కళాకారులు బుల్లెట్ భాస్కర్, నాటీ నరేష్, బిగ్ బాస్ ఫేమ్ ఫైమాల హాస్య ప్రదర్శనలు, ప్రముఖ ఇల్యూజనిస్ట్, ఇండియా గాట్ టాలెంట్ గ్రాండ్ ఫైనలిస్ట్ బీయస్ రెడ్డి కార్యక్రమం మరింత సందడిగా ఉంటుందని ఎస్టీఎస్ అధ్యక్షులు బొమ్మారెడ్డి మీడియాకు తెలిపారు.
తెలుగు వారి పెద్ద పండుగల్లో ఒకటి ఈ విజయదశమి. ఈ విజయదశమి పండుగును పిల్లలు,పెద్దలతో కేరింతల నడుమ జరుపుకోవటానికి తొలి సారి ఢీ జోడీ విజేత సంకేత్, నైనిక లతో డాన్స్ కూడా ఏర్పాటు చేశామని సమాజం కార్యదర్శి పోలిశెట్టి అనిల్ తెలిపారు. సంపంగి డెవలపర్స్, జి ఐ జి ఇంటర్నేషనల్ స్కూల్ ప్రధాన స్పాన్సర్లుగా వ్యవహరిస్తున్నారు. ఈ ఈవెంట్ పార్టనర్గా జె మీడియా ఫ్యాక్టరీ, జానిక్, ప్రాప్నెక్స్ కుమార్, రమేష్ తదితరులు స్పాన్సర్లుగా ఉన్నారు.
ఈ కార్యక్రమానికి హాజరయ్యే టికెట్స్ బుక్ మై షో ద్వారా శర వేగంగా బుక్ అవుతున్నాయని కార్యక్రమ నిర్వాహకులు తెలిపారు. ఈ కార్యక్రమం అందరికీ అందుబాటులో ఉండాలని ఆరు క్యాటగిరీలలో (వీఐపీ, ప్లాటినం, డైమండ్, గోల్డ్, సిల్వర్, బాల్కానీ) టికెట్లు విక్రయిస్తున్నారు.