UPSC CSE Prelims 2023 | సివిల్‌ సర్వీసెస్‌ పరీక్ష దరఖాస్తుకు నేడే చివ‌రి తేదీ.. ఈ విషయాలు తెలుసుకోండి

యూపీఎస్సీ సివిల్ సర్వీస్ (Preliminary) పరీక్ష 2023కు దరఖాస్తుల ప్రక్రియ నేటితో (ఫిబ్రవరి 21) ముగియనుంది. ఇప్పటివరకు దరఖాస్తు చేసుకోనివారెవరైనా ఉంటే ఈ రోజు (మంగళవారం) సాయంత్రం.. 6 గంటలలోపు దరఖాస్తు చేసుకోవాలని అభ్యర్థులకు యూపీఎస్సీ సూచించింది

UPSC CSE Prelims 2023 | యూపీఎస్సీ సివిల్‌ సర్వీస్‌ నోటిఫికేషన్‌ – 2023 ఈ నెల విడుదలైన సంగతి తెలిసిందే. (ఫిబ్రవరి) 1న మొదలైన దరఖాస్తుల ప్రక్రియ ఈరోజు సాయంత్రం 6 గంటలతో ముగియనుంది. ఇంకా దరఖాస్తు చేసుకోని అభ్యర్ధులు ఎవ‌రైన ఉంటే upsc.gov.in లేదా upsconline.nic.in. వెబ్‌సైట్ల ద్వారా దరఖాస్తు చేసుకోవచ్చు. గుర్తింపు పొందిన యూనివర్సిటీ నుంచి గ్రాడ్యుయేషన్‌తో పాటు ప్రస్తుతం డీగ్రీ చివరి సంవత్సరం చదువుతున్న అభ్యర్థులు ఈ ప‌రీక్ష‌కు అర్హులు. నోటిఫికేషన్‌ ద్వారా ఐఏఎస్‌, ఐపీఎస్‌ లతోసహా వివిధ సివిల్‌ సర్వీసులకు సంబంధించి మొత్తం 1,105 ఖాళీలున్నట్టు యూపీఎస్సీ ప్ర‌క‌టించింది.

సివిల్ సర్వీసెస్ ఎగ్జామినేషన్ – 2023

మొత్తం ఖాళీలు: 1,105

అర్హతలు: గుర్తింపు పొందిన యూనివర్సిటీ నుంచి ఏదైనా డిగ్రీలో ఉత్తీర్ణత సాధించి ఉండాలి. డిగ్రీ చివరి సంవత్సరం చదువుతున్న అభ్యర్ధులు కూడా అర్హులే.

వయోపరిమితి: అభ్యర్ధుల వయసు 2023 ఆగస్టు 1, నాటికి 21 ఏళ్లు నిండి 32 ఏళ్లు మించకుండా ఉండాలి. అంటే ఆగస్టు 2, 1991 నుంచి ఆగస్టు 1, 2002 మధ్య జన్మించి ఉండాలి. రిజర్వ్‌డ్ కేటగిరీకి వయోపరిమితిలో సడలింపు ఉంటుంది.

అటెంప్టుల సంఖ్య: ఓబీసీ, ఇతర (GL/EWS) అభ్యర్ధులు 9 ప్రయత్నాలలో సర్వీస్ చేపట్టవచ్చు. SC/ST అభ్యర్ధులకు అపరిమితం.

ఎంపిక విధానం: రాత పరీక్ష, ఇంటర్వ్యూ ఆధారంగా అభ్యర్ధులను ఎంపిక చేస్తారు. రాత పరీక్ష ప్రిలిమ్స్, మెయిన్స్ అనే రెండు స్టేజిలలో జరుగుతుంది.

ప్రిలిమ్స్ పరీక్ష తేదీ: మే 28, 2023

దరఖాస్తు విధానం: ఆన్‌లైన్

దరఖాస్తు రుసుము: ఓబీసీ/ఇతర అభ్యర్ధులకు రూ 100

ఎస్సీ/ఎస్టీ/పీడబ్ల్యూడీ అభ్యర్ధులకు ఫీజు మినహాయింపు ఉంటుంది.

దరఖాస్తులకు చివరి తేదీ: ఫిబ్రవరి 21, 2023 (సాయంత్రం 6 గంటల వరకు).

వెబ్‌సైట్ :  upsc.gov.in, upsconline.nic.in.

పరీక్షకు సంబంధించిన సిలబస్ వంటి ఇతర ముఖ్య సమాచారం కోసం యూపీఎస్సీ విడుదల చేసిన నోటిఫికేషన్‌లో చూడొచ్చు.