Road accident | నిజామాబాద్‌లో లారీ ఢీకొని వ్యక్తి దుర్మరణం

నిజామాబాద్ జిల్లా కేంద్రం లోని ఐదవ టౌన్ పోలీస్ స్టేషన్ పరిధిలో ఘోర రోడ్డు ప్రమాదం జరిగింది.

వినాయక్ నగర్, నవంబర్ 15 : నిజామాబాద్ జిల్లా కేంద్రం లోని ఐదవ టౌన్ పోలీస్ స్టేషన్ పరిధిలో ఘోర రోడ్డు ప్రమాదం జరిగింది. టీవీఎస్ మోపెడ్ వెళ్తున్న వ్యక్తిని లారీ ఢీకొట్టడంతో సదరు వ్యక్తి అక్కడికక్కడే దుర్మరణం చెందాడు. అయితే డ్రైవర్ లారీని అతివేగంగా నడపడం వల్లనే ఈ ప్రమాదం జరిగినట్లుగా ప్రత్యక్ష సాక్షులు తెలిపారు.

స్థానికుల ద్వారా సమాచారం అందుకున్న ఐదవ టౌన్ పోలీసులు ఘటనా స్థలానికి చేరుకొని, డెడ్ బాడీని పోస్టుమార్టం నిమిత్తం జిల్లా ప్రభుత్వ దవాఖాన‌కు తరలించారు. మృతుని కుటుంబ సభ్యుల ఫిర్యాదు మేరకు పోలీసులు లారీ డ్రైవర్ పై కేసు నమోదు చేసి దర్యాప్తు నిర్వహిస్తున్నారు.