భిక్కనూర్, అక్టోబర్ 28: కాకరకాయ చూడగానే ఆబ్బో చేదు అని ముఖం తిప్పేసుకుంటాం. మరికొందరు నచ్చకపోయి నా ఆరోగ్యానికి మేలు చేస్తుందని తింటా రు. దాని విలువ తెలిసిన వారే ఇష్టంగా ఆరగిస్తారు. ఎన్నో పోషకాలు, ఔషధ గుణాలున్న కాకర రక్తపోటు, కంటి సమస్యలను నివారిస్తుంది. మధుమేహం, మొ లలు, మలబద్ధకాన్ని అరికడుతుంది. శరీరంలో వ్యర్థాలను తొలగించేందుకు దోహదపడుతుంది. జీర్ణక్రియ మెరుగుపర్చి చర్మవ్యాధులను దూరం చేస్తుంది. పల్లెల్లో ప్రతి ఇంటి పెరట్లోనూ కాకరకాయ తీగలతో పొదలుండేవి.. ప్రత్యేకంగా పందిరి వేసి పెంచేవారు.
కాకరకాయతో లాభాలు
మార్కెట్లో మంచి డిమాండ్
కాకరకాయలకు మార్కెట్లో మంచి డిమాండ్ ఉన్నది. మూడేండ్లుగా సాగు చేస్తున్నాను. ఆరుతడి పంట. తక్కువ పెట్టుబడితో మంచి ధర వస్తున్నది. కాకరకాయతో ఎన్నోరకాల వ్యాధులను నయం చేయవచ్చు.
– రఘుపతిరెడ్డి, రైతు, ర్యాగట్లపల్లి
సర్వరోగాల నివారణకు దోహదపడుతుంది
కాకరకాయ వంటను కనీసం వారానికి 2 రోజులు తీసుకుంటే పోషకాలతోపాటు సర్వరోగాలు దరిచేరకుండా చూస్తుంది. రక్తపోటు, కంటి సమస్యలు, మధుమేహం, పైల్స్, మలబద్ధకం నివారణకు ఉపయోగపడుతుంది.
– దివ్య, మండల వైద్యాధికారి, భిక్కనూర్