రేపు పాలిసెట్‌.. 1.06 లక్షల మంది దరఖాస్తు

మూడేండ్ల డిప్లొమా కోర్సుల్లో ప్రవేశాలకు నిర్వహించే టీజీ పాలిసెట్‌-2026 పరీక్షను బుధవారం నిర్వహించనున్నామని సాంకేతిక విద్యాశాఖ కమిషనర్‌ శ్రీదేవసేన తెలిపారు. ఈ మేరకు సోమవారం ఒక ప్రకటన విడుదల చేశారు.

• 293 సెంటర్ల ఏర్పాటు : సాంకేతిక విద్యాశాఖ కమిషనర్‌ దేవసేన

హైదరాబాద్‌, మే 11 (నమస్తే తెలంగాణ) : మూడేండ్ల డిప్లొమా కోర్సుల్లో ప్రవేశాలకు నిర్వహించే టీజీ పాలిసెట్‌-2026 పరీక్షను బుధవారం నిర్వహించనున్నామని సాంకేతిక విద్యాశాఖ కమిషనర్‌ శ్రీదేవసేన తెలిపారు. ఈ మేరకు సోమవారం ఒక ప్రకటన విడుదల చేశారు. ఈ పరీక్ష నిర్వహణకు అన్ని ఏర్పాట్లు పూర్తిచేసినట్టు వెల్లడించారు. ఉదయం 11గంటల నుంచి మధ్యాహ్నం 1:30గంటల వరకు పరీక్షను నిర్వహిస్తామని పేర్కొన్నారు. ఈ ఏడాది 1,06,439 మంది విద్యార్థులు దరఖాస్తు చేసుకున్నారని వివరించారు. రాష్ట్రవ్యాప్తంగా 293 పరీక్ష కేంద్రాలను ఏర్పాటు చేయగా, విద్యార్థులను గంట ముందుగా సెంటర్లలోకి అనుమతిస్తామని తెలిపారు. నిమిషం ఆలస్యమైనా పరీక్షకు అనుమతించబోమని స్పష్టంచేశారు.

విద్యార్థులకు సూచనలు

•  విద్యార్థులకు ఇచ్చిన ఓఎమ్మార్‌ షీట్‌పై రెండు వైపులా సంతకం చేయాల్సి ఉంటుంది.
•  విద్యార్థులు హెచ్‌బీ బ్లాక్‌ పెన్సిల్‌, ఎరేజర్‌, బ్లూ లేదా బ్లాక్‌ కలర్‌ పెన్‌ వెంట తెచ్చుకోవాలి.
• హాల్‌టికెట్‌పై ఫొటో ముద్రితంకాని వారు వెంట పాస్‌పోర్టు సైజు ఫొటో, ఆధార్‌కార్డు వెంట తెచ్చుకోవాలి.
• ఎస్‌బీ టెట్‌ యాప్‌ను ఇన్‌స్టాల్‌ చేసుకొని, ఎగ్జామ్‌ సెంటల్‌ లొకేటర్‌ ఆప్షన్‌ ద్వారా సెంటర్లకు చేరుకోవచ్చు.