Visit:
Job Notification : రైల్వే (Railway) లో కొలువు సాధించాలనుకునే నిరుద్యోగులకు రైల్వే రిక్రూట్మెంట్ బోర్డ్ (RRB) శుభవార్త అందించింది. నాన్-టెక్నికల్ పాపులర్ కేటగిరీస్ (NTPC) అండర్ గ్రాడ్యుయేట్ విభాగంలో 1,688 పోస్టుల భర్తీకి తాజాగా నోటిఫికేషన్ (Notification) విడుదల చేసింది. పదోతరగతి, ఇంటర్మీడియట్ (Intermediate) అర్హత కలిగిన అభ్యర్థులు ఈ ఉద్యోగాలకు దరఖాస్తు చేసుకోవడానికి అర్హులు. ఈ నోటిఫికేషన్ ద్వారా ట్రైన్ క్లర్క్ (Train Clerk), టికెట్ క్లర్క్, అకౌంట్స్ క్లర్క్ కమ్ టైపిస్ట్, జూనియర్ క్లర్క్ కమ్ టైపిస్ట్ వంటి వివిధ పోస్టులను భర్తీ చేయనున్నారు.
ఈ ఉద్యోగాలకు దరఖాస్తు చేసుకునే అభ్యర్థుల వయసు 18 నుంచి 30 ఏళ్ల మధ్య ఉండాలని ఆర్ఆర్బీ స్పష్టంచేసింది. ఆసక్తి, అర్హత కలిగిన అభ్యర్థులు అక్టోబర్ 15 నుంచి నవంబర్ 13 వరకు ఆన్లైన్ ద్వారా దరఖాస్తు చేసుకోవాల్సి ఉంటుంది. కంప్యూటర్ ఆధారిత పరీక్షలు (సీబీటీ-1, సీబీటీ-2) నిర్వహించి, మెరిట్ ప్రాతిపదికన అభ్యర్థులను ఎంపిక చేయనున్నట్లు ప్రకటనలో పేర్కొన్నారు. అభ్యర్థులు పూర్తి వివరాలు, దరఖాస్తు ప్రక్రియ కోసం అధికారిక వెబ్సైట్ rrbapply.gov.in సందర్శించాలని అధికారులు సూచించారు. అర్హులైన వారు నిర్ణీత గడువులోగా దరఖాస్తు చేసుకోవాలన్నారు.
