JEE Main | జేఈఈ మెయిన్‌ దరఖాస్తులు ప్రారంభం.. జనవరిలో 24 నుంచి ఎగ్జామ్స్‌

దేశంలోని ఐఐటీలు, ఎన్‌ఐటీలు, ట్రిపుల్‌ ఐటీలు, కేంద్ర ప్రభుత్వ నిధులతో నడిచే ఇంజినీరింగ్‌ సంస్థల్లో ప్రవేశాలకోసం నిర్వహించే ఉమ్మడి ప్రవేశ పరీక్ష (JEE Main‌- 2024) దరఖాస్తు ప్రక్రియ ప్రారంభమైంది. బుధవారం (నవంబర్‌ 1న)తో ప్రారంభమైన ఆన్‌లైన్‌ దరఖాస్తు గడువు నవంబర్‌ 30న రాత్రి 9 గంటలకు ముగియనుంది.

న్యూఢిల్లీ: దేశంలోని ఐఐటీలు, ఎన్‌ఐటీలు, ట్రిపుల్‌ ఐటీలు, కేంద్ర ప్రభుత్వ నిధులతో నడిచే ఇంజినీరింగ్‌ సంస్థల్లో ప్రవేశాలకోసం నిర్వహించే ఉమ్మడి ప్రవేశ పరీక్ష (JEE Main‌- 2024) దరఖాస్తు ప్రక్రియ ప్రారంభమైంది. బుధవారం (నవంబర్‌ 1న)తో ప్రారంభమైన ఆన్‌లైన్‌ దరఖాస్తు గడువు నవంబర్‌ 30న రాత్రి 9 గంటలకు ముగియనుంది. ఈ పరీక్షలను రెండు విడతలుగా నిర్వహించనున్నారు. వచ్చే ఏడాది జనవరిలో మొదటి సెషన్‌, ఏప్రిల్‌లో రెండో విడత పరీక్షలు జరుగనున్నాయి. ఆన్‌లైన్‌ విధానంలో (కంప్యూటర్‌ బేస్డ్‌ ఎగ్జామ్‌-CBT) పరీక్షలు ఉంటాయి. ఈ మేరకు జనవరి సెషన్‌కు సంబంధించిన నోటిఫికేషన్‌ను నేషనల్‌ టెస్టింగ్‌ ఏజెన్సీ (NTA) విడుదల చేసింది. తెలుగుతోపాటు ఇంగ్లిష్‌, హిందీ సహా మొత్తం 13 భాషల్లో పరీక్ష నిర్వహిస్తున్నట్టు వెల్లడించింది.

జేఈఈ మెయిన్‌లో రెండు పేపర్లు ఉంటాయి. బీఈ (BE), బీటెక్‌ (B.Tech) కోర్సుల కోసం పేపర్‌-1, బీఆర్క్‌, బీప్లానింగ్‌ కోర్సుల కోసం పేపర్‌-2 నిర్వహిస్తారు. దరఖాస్తులు బుధవారం ప్రారంభమయ్యాయి. నవంబర్‌ 30న అప్లికేషన్లు ముగుస్తాయి. పరీక్షలను 2024 జనవరి 24 నుంచి ఫిబ్రవరి 1 మధ్య నిర్వహిస్తారు. ఫలితాలను ఫిబ్రవరి 12న విడుదల చేస్తారు.

ముఖ్యమైన తేదీలు..

ఆన్‌లైన్‌ దరఖాస్తులు: నవంబర్‌ 1
దరఖాస్తులకు చివరితేదీ: నవంబర్‌ 30
ఫీజు చెల్లింపునకు చివరితేదీ: నవంబర్‌ 30 (రాత్రి 11.50 గంటల వరకు)
పరీక్ష కేంద్రాల (నగరాలు) ప్రకటన: 2024, జనవరి రెండో వారంలో
అడ్మిట్‌కార్డులు: పరీక్ష తేదీకి 3 రోజుల ముందు
ఆన్‌లైన్‌ పరీక్షలు: 2024, జనవరి 24 నుంచి ఫిబ్రవరి 1 వరకు
పరీక్ష ఫలితాలు: 2024, ఫిబ్రవరి 12
వెబ్‌సైట్‌: www.nta.ac.in, https://jeemain.nta.ac.in/