బీఐఎస్‌లో 337 ఖాళీలు.. మే 9 వరకు దరఖాస్తులు

BIS | కేంద్ర వినియోగదారుల వ్యవహారాల శాఖ ఆధ్వర్యంలో పనిచేస్తున్న బ్యూరో ఆఫ్‌ ఇండియన్‌ స్టాండర్డ్స్‌ (BIS) వివిధ విభాగాల్లో ఖాళీగా ఉన్న ఉద్యోగాల భర్తీకి నోటిఫికేషన్‌ విడుదల చేసింది

న్యూఢిల్లీ: కేంద్ర వినియోగదారుల వ్యవహారాల శాఖ ఆధ్వర్యంలో పనిచేస్తున్న బ్యూరో ఆఫ్‌ ఇండియన్‌ స్టాండర్డ్స్‌ (BIS) వివిధ విభాగాల్లో ఖాళీగా ఉన్న ఉద్యోగాల భర్తీకి నోటిఫికేషన్‌ విడుదల చేసింది. ఆసక్తి, అర్హత కలిగినవారు దరఖాస్తు చేసుకోవాలని సూచించింది. ఆన్‌లైన్‌ దరఖాస్తులు వచ్చేనెల 9 వరకు అందుబాటులో ఉంటాయి. ఈ నోటిఫికేషన్‌ ద్వారా మొత్తం 337 పోస్టులను భర్తీ చేస్తున్నది. ఇందులో అసిస్టెంట్‌ సెక్షన్‌ ఆఫీసర్‌, జూనియర్‌ సెక్రటేరియట్ అసిస్టెంట్‌, సీనియర్‌ సెక్రటేరియట్‌ అసిస్టెంట్‌, సీనియర్‌ టెక్నీషియన్‌, పర్సనల్‌ అసిస్టెంట్‌ వంటి పోస్టులు ఉన్నాయి. ఆన్‌లైన్‌ రాపరీక్ష, స్కిల్‌ టెస్ట్‌, ఇంటర్వ్యూ ద్వారా అభ్యర్థులను ఎంపిక చేయనున్నారు.

మొత్తం పోస్టులు: 337
ఇందులో డైరెక్టర్‌ 1, అసిస్టెంట్‌ డైరెక్టర్‌ 3, అసిస్టెంట్‌ సెక్షన్‌ ఆఫీసర్‌ 47, జూనియర్‌ సెక్రటేరియట్ అసిస్టెంట్ 61‌, సీనియర్‌ సెక్రటేరియట్‌ అసిస్టెంట్ 100‌, సీనియర్‌ టెక్నీషియన్ 25‌, పర్సనల్‌ అసిస్టెంట్‌ 28, అసిస్టెంట్‌ 2, టెక్నికల్‌ అసిస్టెంట్‌ 47, మెకానికల్‌ 19, కెమికల్‌ 18, మైక్రోబయాలజీ 10, స్టెనోగ్రాఫర్‌ 22, హార్టికల్చ్‌ సూపర్‌వైజర్‌ 1 చొప్పున ఉన్నాయి.
అర్హతలు: ఒక్కోపోస్టుకు ఒక్కోవిధంగా ఉన్నాయి. అభ్యర్థులు సంబంధిత సబ్జెక్టులో పీజీ, పీజీ డిప్లొమా, డిగ్రీ, ఐటీఐ చేసి ఉండాలి.

ఎంపిక ప్రక్రియ: రాతపరీక్ష, స్కిల్‌ టెస్ట్‌, ఇంటర్వ్యూ ద్వారా
దరఖాస్తు విధానం: ఆన్‌లైన్‌లో
దరఖాస్తులు ప్రారంభం: ఏప్రిల్‌ 19
దరఖాస్తులకు చివరితేదీ: మే 9
వెబ్‌సైట్‌: www.bis.gov.in