బొటాక్స్‌తో మటుమాయం

మనం తినే ఆహారం, నివసించే పరిసరాలు, వాడే ఔషధాలు, మన మానసిక పరిస్థితి.. చెమటలు పట్టడానికి అనేక కారణాలు. చిట్కాలతో హైపర్‌హైడ్రోసిస్‌ సమస్య పరిష్కారం కానప్పుడు.. బొటాక్స్‌ ఇంజెక్షన్‌తో ఉపశమనం పొందవచ్చు.

నాకు చెమటలు విపరీతంగా పడుతాయి. ఈ సమస్యకు ఏదైనా చికిత్స ఉందా?

• ఓ పాఠకురాలు

మనం తినే ఆహారం, నివసించే పరిసరాలు, వాడే ఔషధాలు, మన మానసిక పరిస్థితి.. చెమటలు పట్టడానికి అనేక కారణాలు. చిట్కాలతో హైపర్‌హైడ్రోసిస్‌ సమస్య పరిష్కారం కానప్పుడు.. బొటాక్స్‌ ఇంజెక్షన్‌తో ఉపశమనం పొందవచ్చు. బొటోలినమ్‌ టాక్సిన్‌ ఇంజెక్షన్లకు ఫుడ్‌ అండ్‌ డ్రగ్‌ అడ్మినిస్ట్రేషన్‌ (ఎఫ్‌డీఏ) అనుమతి కూడా ఉంది. చెమటలకు కారణమైన రసాయనాలను ఇవి నిరోధిస్తాయి. ఫలితంగా ఎనభై నుంచి తొంభైశాతం మేర సమస్య పరిష్కారం అవుతుంది.

రెండు నుంచి నాలుగు రోజుల్లో ఫలితం కనిపిస్తుంది. ఆయా వ్యక్తుల శరీర స్వభావాలను బట్టి ఆ ప్రభావం నాలుగు నుంచి పన్నెండు నెలల వరకు ఉంటుంది. కొందరికి అరచేతులు, అరికాళ్లు, ఛాతీ, నుదురు తదితర భాగాల్లో ధారాపాతంగా చెమటలు కారుతుంటాయి. అలాంటి సందర్భాల్లోనూ బొటాక్స్‌ ఇంజెక్షన్‌ ఇవ్వవచ్చు. ఇది పది నిమిషాల ప్రక్రియ. దీర్ఘకాలికంగా చెమట సమస్య వేధిస్తున్నప్పుడు.. మనసులోనే కుమిలిపోకుండా, ఆత్మవిశ్వాసాన్ని దూరం చేసుకోకుండా సౌందర్య నిపుణులను సంప్రదించడం ఉత్తమం.

– డాక్టర్‌ అనున్యా రెడ్డి
ఫేషియల్‌ కాస్మటిక్‌ సర్జన్‌
ఇ.ఎన్‌.టి సర్జన్‌
ఎలర్జీ స్పెషలిస్ట్‌