David Warner | మూడు ఫార్మాట్ల‌లో వంద‌.. మూడో క్రికెట‌ర్‌గా వార్న‌ర్ రికార్డు

David Warner : ఆస్ట్రేలియా డాషింగ్ ఓపెన‌ర్ డేవిడ్ వార్న‌ర్(David Warner) మరో ఘ‌న‌త సాధించాడు. మూడు ఫార్మ‌ట్ల‌లో 100 మ్యాచులు ఆడిన తొలి ఆస్ట్రేలియా క్రికెట‌ర్‌(Australia Cricketer)గా వార్న‌ర్ రికార్డు నెల‌కొల్పాడు. మొత్తంగా ఈ ఫీట్ సాధించిన మూడో ఆట‌గాడిగా...

David Warner : ఆస్ట్రేలియా డాషింగ్ ఓపెన‌ర్ డేవిడ్ వార్న‌ర్(David Warner) మరో ఘ‌న‌త సాధించాడు. మూడు ఫార్మ‌ట్ల‌లో 100 మ్యాచులు ఆడిన తొలి ఆస్ట్రేలియా క్రికెట‌ర్‌(Australia Cricketer)గా వార్న‌ర్ రికార్డు నెల‌కొల్పాడు. మొత్తంగా ఈ ఫీట్ సాధించిన మూడో ఆట‌గాడిగా డేవిడ్ భాయ్ గుర్తింపు సాధించాడు. హాబ‌ర్ట్‌లో వెస్టిండీస్‌తో జ‌రుగుతున్న తొలి టీ20లో ఓపెన‌ర్‌గా బ‌రిలోకి దిగిన వార్న‌ర్.. పొట్టి ఫార్మాట్‌లో 100వ మ్యాచ్ పూర్తి చేసుకున్నాడు.

అత‌డి కంటే ముందు భార‌త ర‌న్ మెషిన్ విరాట్ కోహ్లీ(Virat Kohli), న్యూజిలాండ్ దిగ్గ‌జం రాస్ టేల‌ర్(Ross Taylor)లు ఈ ఫీట్ సాధించారు. కోహ్లీ 113 టెస్టులు, 292 వ‌న్డేలు, 117 టీ20లు ఆడ‌గా.. టేల‌ర్ 112 టెస్టులు, 236 వ‌న్డేలు, 102 టీ20ల్లో న్యూజిలాండ్‌కు ప్రాతినిధ్యం వ‌హించాడు. వార్న‌ర్ ఇప్ప‌టివ‌ర‌కూ 112 టెస్ట‌లు, 161 వ‌న్డేలు ఆడాడు.

David Warner becomes the third player to 100 internationals in each format after Ross Taylor and Virat Kohli 👏 💯 pic.twitter.com/xfNaAoakVh

— ESPNcricinfo (@ESPNcricinfo) February 9, 2024

ఈ ఏడాది స్వదేశంలో పాకిస్థాన్‌తో టెస్టు సిరీస్ అనంత‌రం ఈ లెఫ్ట్ హ్యాండ‌ర్ సుదీర్ఘ ఫార్మాట్‌తో పాటు వ‌న్డేల‌కూ వీడ్కోలు ప‌లికాడు. అనంత‌రం బిగ్‌బాష్ లీగ్‌లో సిడ్నీ థండ‌ర్స్‌కు ఆడిన వార్న‌ర్.. ప్ర‌స్తుతం దేశం త‌రఫున వెస్టిడీస్‌తో టీ20 సిరీస్‌లో బ‌రిలోకి దిగాడు. తొలి మ్యాచ్‌లోనే విండీస్ బౌల‌ర్ల‌ను ఉతికారేసిన‌ డేవిడ్ భాయ్.. అర్థ శ‌త‌కం సాధించాడు. 70 ప‌రుగుల వ‌ద్ద అల్జారీ జోసెఫ్ బౌలింగ్‌లో కీప‌ర్ పూర‌న్ చేతికి చిక్కి వెనుదిరిగాడు.

కెరీర్ ఆసాంతం దూకుడే మంత్ర‌గా ఆడిన ఈ లెఫ్ట్ హ్యాండ‌ర్ ఆస్ట్రేలియా విజ‌యాల్లో కీల‌క పాత్ర పోషించాడు. నాలుగు ఐసీసీ ట్రోఫీలు గెలిచిన ఆసీస్ జ‌ట్టులో స‌భ్యుడైన వార్న‌ర్ ఓపెన‌ర్‌గా ప‌లు రికార్డులు నెల‌కొల్పాడు.టెస్టులు, వ‌న్డేలు, టీ20ల్లో అత్య‌ధిక శ‌త‌కాలు బాదిన తొలి ఓపెన‌ర్‌గా వార్న‌ర్ చ‌రిత్ర సృష్టించాడు.

ఇవి కూడా చ‌ద‌వండి

• Bharat Ratna | ఒకే ఏడాది ఐదుగురికి భారతరత్న
• PV Narasimharao | పీవీకి భార‌త‌ర‌త్న తెలంగాణ‌కు గ‌ర్వ‌కార‌ణం : పీవీ కుమార్తె వాణీదేవి
• KTR | కేంద్రం పీవీకి ‘భారతరత్న’ ప్రకటించడం సంతోషకరం: కేటీఆర్