సీనియర్ కథానాయిక ప్రియమణి నటిస్తున్న తొలి వెబ్ సిరీస్ ‘భామా కలాపం’. ‘ఆహా’ ఓటీటీలో ఈ వెబ్సిరీస్ ఈ నెల 11వ తేదీ నుంచి స్ట్రీమింగ్ కాబోతుంది. ఎస్వీసీసీ డిజిటల్ బ్యానర్ పై సుధీర్ ఈదర, భోగవల్లి బాపినీడు నిర్మించారు. అభిమన్యు తాడిమేటి దర్శకత్వం వహించిన ఈ వెబ్ సిరీస్ కు దర్శకుడు భరత్ కమ్మ షో రన్నర్గా వ్యవహరించారు. ‘భామా కలాపం’ ట్రైలర్ విడుదల కార్యక్రమం సోమవారం హైదరాబాద్ లో జరిగింది.
ఈ కార్యక్రమంలో అగ్రహీరో విజయ్ దేవరకొండ ముఖ్య అతిథిగా పాల్గొన్నారు. ‘ప్రియమణి ఏ భాషా ప్రేక్షకులనైనా మెప్పించగలదు. ఆమె డిజిటల్ అరంగేట్రం చేస్తున్న ‘భామా కలాపం’ కూడా మెప్పిస్తుంది. ఈ వెబ్ సిరీస్ బృందానికి శుభాకాంక్షలు’ అన్నారు విజయ్ దేవరకొండ. ఈ వెబ్ సిరీస్ లో అనుపమా అనే గృహిణి పాత్రలో నటిస్తున్నది ప్రియమణి.