దుమారం రేపిన రాజాసింగ్ వీడియో..

హైద‌రాబాద్: ఎమ్మెల్యే రాజాసింగ్ పోస్టు చేసిన ఓ వీడియో దుమారం రేపింది. ఆ వీడియోలో ప్ర‌వ‌క్త‌పై అనుచిత వ్యాఖ్య‌లు చేసిన‌ట్లు ఆరోప‌ణ‌లు ఉన్నాయి. ఈ నేప‌థ్యంలో ఎమ్మెల్యే రాజాసింగ్‌పై కేసు బుక్ చేశారు. సోమ‌వారం రాత్రి న‌గ‌రంలో ఓ వ‌ర్గం ప్ర‌జ‌లు నిర‌స‌న ప్ర‌ద‌ర్శ‌న‌లు చేపట్టారు. సిటీ పోలీసు క‌మీష‌న‌ర్ సీవీ ఆనంద్ ఆఫీసుతో పాటు ఇత‌ర ప్ర‌దేశాల్లో ప్ర‌ద‌ర్శ‌న‌లు జ‌రిగాయి. తమ‌ మ‌నోభావాల‌ను రాజా సింగ్ అవ‌మానించిన‌ట్లు ఆందోళ‌న‌కారులు ఆరోపించారు. ఎమ్మెల్యే రాజాసింగ్‌ను అరెస్టు చేయాల‌ని డిమాండ్ చేశారు.

అయితే బ‌షీర్‌భాగ్ వ‌ద్ద నిర‌స‌న చేప‌డుతున్న వారిని అదుపులోకి తీసుకుని అరెస్టు చేశారు. ఇటీవ‌ల హైద‌రాబాద్‌లో క‌మీడియ‌న్ మునావ‌ర్ ఫారూకి షో జ‌రిగింది. అయితే దానిపై రాజాసింగ్ ఓ కామిడీ వీడియో రిలీజ్ చేసిన‌ట్లు తెలుస్తోంది. అంత‌క‌ముందు మునావ‌ర్ షోను అడ్డుకుంటామ‌ని రాజా సింగ్ బెదిరించారు. ఆ స‌మ‌యంలో అత‌న్ని హౌజ్ అరెస్టు చేశారు. హిందువుల మ‌నోభావాల‌ను మునావ‌ర్ కించ‌ప‌రిచిన‌ట్లు రాజాసింగ్ త‌న వీడియోలో ఆరోపించారు. చివ‌ర‌కు పోలీసుల విజ్ఞప్తితో రాజా సింగ్ వీడియోను యూట్యూబ్ నుంచి తొల‌గించారు.