Rain Alert | రాష్ట్రంలో రెండు రోజులు భారీ వర్షాలు

Rain Alert | రాష్ట్రంలో రెండు రోజులు భారీ వర్షాలు |

హైదరాబాద్‌ : తెలంగాణలో రాబోయే రెండు రోజులు భారీ నుంచి అతి భారీ వర్షాలు కురిసే అవకాశం ఉందని హైదరాబాద్‌ వాతావరణ కేంద్రం పేర్కొంది. తూర్పు, మధ్య బంగాళాఖాతంలో ఏర్పడిన అల్పపీడనం కొనసాగుతుందని, బలహీనపడిందని చెప్పింది. దానికి అనుబంధంగా ఆవర్తనం కొనసాగుతుందని, సముద్రమట్టానికి 7.6 కిలోమీటర్ల ఎత్తులో ఉందని పేర్కొంది. పశ్చిమ- వాయువ్య దిశగా అల్పపీడనం ప్రయాణిస్తుందని తెలిపింది.

కొన్ని గంటల్లో అల్పపీడనం వాయుగుండంగా మారే అవకాశం ఉందని, ఒడిశా – బెంగాల్‌ తీరం వద్ద వాయుగుండంగా మారే అవకాశాలున్నట్లు వివరించింది. తెలంగాణలోకి పశ్చిమ దిశ నుంచి కిందిస్థాయి గాలులు వీస్తున్నాయని పేర్కొంది. వీటి ప్రభావంతో రేపు, ఎల్లుండి భారీ నుంచి అతి భారీ వర్షాలు కురుస్తాయని తెలిపింది. రాగల మూడు రోజులు ఒకట్రెండు చోట్ల భారీ వర్షాలు కురిసే అవకాశం ఉందని హైదరాబాద్‌ వాతావరణ కేంద్రం తెలిపింది.