‘లంబసింగి’లో ప్రేమాయణం

భరత్‌, బిగ్‌బాస్‌ ఫేమ్‌ దివి జంటగా నటిస్తున్న చిత్రం ‘లంబసింగి’. నవీన్‌గాంధీ దర్శకుడు. కల్యాణ్‌కృష్ణ కురసాల సమర్పణలో జీకే మోహన్‌ నిర్మిస్తున్నారు. ఈ సినిమా టైటిల్‌ను గురువారం ప్రకటించారు. ‘ఏ ప్యూర్‌ లవ్‌స్టోరీ’ ఉపశీర్షిక. ఈ సినిమాలోని మొదటి గీతం ‘నచ్చేసిందే నచ్చేసిందే’ ఈ నెల 16న విడుదలకానుంది. గురువారం పాట ప్రోమోను విడుదల చేశారు. సిద్‌శ్రీరామ్‌ ఆలపించిన ఈ గీతానికి కాసర్ల శ్యామ్‌ సాహిత్యాన్నందించాడు. రొమాంటిక్‌ మెలోడీగా ఈ పాట ఆకట్టుకుంటున్నది. హృదయాల్ని స్పృశించే అందమైన ప్రేమకథా చిత్రమిదని దర్శకుడు తెలిపారు. చిత్రీకరణ పూర్తయిందని నిర్మాత పేర్కొన్నారు. ఈ చిత్రానికి కెమెరా: కె. బుజ్జి, సంగీతం: ఆర్‌ఆర్‌ ధృవన్‌, నిర్మాణ సంస్థ: కాన్సెప్ట్‌ ఫిల్మ్స్‌, కథ, స్క్రీన్‌ప్లే, సంభాషణలు, దర్శకత్వం: నవీన్‌గాంధీ.