స్టడీ సర్కిళ్లు.. కొలువుల లోగిళ్లు

• పేద, మధ్యతరగతి నిరుద్యోగులకు వరం
• నాణ్యమైన స్టడీ మెటీరియల్‌ అందజేత
• ఏడేండ్లలో 3వేల మందికిపైగా ఉద్యోగాలు

హైదరాబాద్‌, నవంబర్‌ 21 (నమస్తే తెలంగాణ): పేద, మధ్యతరగతి నిరుద్యోగ యువత ఆశయాలకు స్టడీ సర్కిళ్లు ఆయువు పోస్తున్నాయి. తెలంగాణ ఏర్పడ్డాక కొత్త రూపు సంతరించుకొన్న ఎస్సీ, బీసీ స్టడీసర్కిళ్లు ఉద్యోగార్థుల కలలను సాకారం చేస్తున్నాయి. నైపుణ్యాలను పెంపొందించుకొనే వేదికగా, ఉన్నత కొలువుల సాధనకు దిక్సూచిలా పనిచేస్తున్నాయి. స్టడీ సర్కిళ్లను రాష్ట్ర ప్రభుత్వం జిల్లా కేంద్రాలకు విస్తరించ టం యువతకు కలిసివస్తున్నది. 11 బీసీ స్టడీ సర్కిళ్లు, 11 ఎస్సీ స్టడీ సర్కిళ్ల ద్వారా ఉచిత శిక్షణ అందిస్తున్నా రు.

నిపుణులతో మెళకువలు, పోటీపరీక్షల సన్నద్ధానికి ప్రణాళికలు, వివిధ అంశాలపై ప్రత్యేక తరగతలు నిర్వహిస్తున్నారు. గ్రంథాలయాల్లో పుస్తకాలు, దినపత్రికలు, ఇతర మెటీరియల్‌ను అందుబాటులో ఉంచుతున్నారు. హాస్టల్‌ వసతి ఎంతోమంది పేద ఉద్యోగార్థుల కు ఉపయోగపడుతున్నది. ఫలితంగా ఎంతోమంది ఉ న్నత కొలువులు సాధిస్తున్నారు. ఇక్కడ శిక్షణ పొందిన చాలామంది ఇటీవల కానిస్టేబుళ్లు, బీట్‌ ఆఫీసర్లు, హాస్టల్‌ వెల్ఫేర్‌, సింగరేణి, గురుకుల ఉపాధ్యాయులు, పంచాయతీ కార్యదర్శులు, ఫైర్‌ ఆఫీసర్లు, రైల్వే, ఎల్‌ఐసీ డెవలప్‌మెంట్‌ ఆఫీసర్లుగా ఉద్యోగాలు పొందారు. గ్రూప్‌ 2, సివిల్స్‌లోనూ సత్తా చాటుతున్నారు.

బీసీ స్టడీ సర్కిళ్ళు..

• సివిల్స్‌తో కలుపుకొని శిక్షణ పొందినవారు 13,588
• ఉద్యోగాలు సాధించిన అభ్యర్థులు 1,988

ఎస్సీ స్టీడీ సర్కిళ్లు..

• సివిల్స్‌తో కలుపుకొని శిక్షణ పొందినవారు 8,331
• రాష్ట్ర సర్వీసును సాధించినవారు 1,184