‘సత్యభామ ధైర్యసాహసాలు మెండుగా కలిగిన ఆధునిక యువతి. డిటెక్టివ్గా పనిచేసే ఆమె అన్వేషణ ఎందుకోసమన్నది తెలియాలంటే తెరపై చూడాల్సిందే’ అంటున్నారు నవనీత్చారి. ఆయన దర్శకత్వం వహించిన చిత్రం ‘డిటెక్టివ్ సత్యభామ’. సోనియా అగర్వాల్ ప్రధాన పాత్రలో నటించింది. శ్రీశైలం పోలేమోని నిర్మాత. ఈ నెల 31న విడుదలకానుంది. బుధవారం హైదరాబాద్లో ఈ చిత్ర ట్రైలర్ను విడుదలచేశారు. ఈ సందర్భంగా నిర్మాత మాట్లాడుతూ ‘సస్పెన్స్ థ్రిల్లర్ కథాంశంతో తెరకెక్కిన చిత్రమిది. సోనియా అగర్వాల్ నటన, క్యారెక్టరైజేషన్ నవ్యరీతిలో ఉంటాయి. ఆమెపై తెరకెక్కించిన పోరాట ఘట్టాలు అలరిస్తాయి’ అన్నారు. ఊహకందని మలుపులతో సినిమా సాగుతుందని దర్శకుడు పేర్కొన్నారు. ఈ కార్యక్రమంలో శివజ్యోతి, సునీతపాండే తదితరులు పాల్గొన్నారు.