సైయెంట్‌ 5జీ సెంటర్‌

• ఐఐటీ-హైదరాబాద్‌తో కలిసి ఏర్పాటు

హైదరాబాద్‌, ఫిబ్రవరి 16: హైదరాబాద్‌కు చెందిన ఇంజినీరింగ్‌, డిజిటల్‌ టెక్నాలజీ సేవల సంస్థ సైయెంట్‌..5జీ నెట్‌వర్క్‌పై ప్రత్యేక దృష్టి సారించింది. ఇందుకోసం ప్రైవేట్‌ 5జీ నెట్‌వర్క్‌ సెంటర్‌ ఆఫ్‌ ఎక్సలెన్స్‌(సీవోఈ)ని తన కార్యాలయంలో ఏర్పాటు చేసింది. ఇండియన్‌ ఇనిస్టిట్యూట్‌ ఆఫ్‌ టెక్నాలజీ, హైదరాబాద్‌(ఐఐటీ-హైదరాబాద్‌)తో కలిసి ఈ సెంటర్‌ను నెలకొల్పినట్లు ఒక ప్రకటనలో వెల్లడించింది. 5జీకి సంబంధించి ఐఐటీ-హైదరాబాద్‌ అభివృద్ధి చేసిన డిజిటల్‌ సేవలపై ఈ సెంటర్‌లో మరింత క్షుణ్ణంగా పరిశీలించనున్నారు. అలాగే నెట్‌వర్క్‌ సొల్యూషన్స్‌ ప్రొవైడర్లకు సాంకేతిక సేవలు అందించడానికి వీలు పడనున్నదని కంపెనీ వెల్లడించింది.