ధోనీకి ఇలా స‌లాం కొట్టిన‌ జ‌డేజా..వీడియో

April 22, 2022 / 10:17 AM IST

ముంబై: చెన్నై సూప‌ర్ కింగ్స్ మాజీ కెప్టెన్ ఎంఎస్ ధోనీ త‌న బ్యాట్ ప‌వ‌ర్ ఏంటో మ‌రోసారి చూపించాడు. గురువారం ముంబైతో జ‌రిగిన ఐపీఎల్ మ్యాచ్‌లో ధోనీ చివ‌రి ఓవ‌ర్‌లో 16 ర‌న్స్ చేసి చెన్నై జ‌ట్టుకు అద్భుత విజ‌యాన్ని అందించాడు. ఖ‌త‌ర్నాక్ ఫినిషింగ్ ట‌చ్‌తో ముంబైకి ధోనీ షాకిచ్చాడు. ఇక ఆ ఫైన‌ల్ ఓవ‌ర్ త‌ర్వాత ధోనీపై ప్ర‌శంస‌లు కురిశాయి. ప్లేయ‌ర్స్ డ‌గౌట్ నుంచి ప‌రుగెత్తుకొచ్చిన చెన్నై కెప్టెన్ జ‌డేజా త‌న‌దైన స్ట‌యిల్‌లో ధోనీకి విష్ చేశాడు. న‌డుం ముందుకు వంచి.. జీ హుజూర్ అన్న రీతిలో ధోనీకి స‌లాం చేశాడు. ఇక మిగితా ప్లేయ‌ర్లు కూడా ధోనీ హీరో ఇన్నింగ్స్‌కు ఫిదా అయ్యారు. తొలుత బ్యాటింగ్ చేసిన ముంబై 20 ఓవ‌ర్ల‌లో ఏడు వికెట్ల‌కు 155 ర‌న్స్ చేసింది. ఆ ల‌క్ష్యాన్ని నిర్ణీత ఓవ‌ర్ల‌లో చెన్నై ఛేజ్ చేసింది. ఇక ధోనీకి జ‌డేజా ఎలా వంద‌నం చేశాడో ఈ వీడియోలో చూడండి.