రామ్ హీరోగా నటిస్తున్న సినిమా ‘ది వారియర్’. ఈ చిత్రంలో సిన్సియర్ పోలీస్ ఆఫీసర్ పాత్రలో ఆయన నటిస్తున్నారు. కృతిశెట్టి కథానాయిక. ఆది పినిశెట్టి మరో కీలక పాత్రలో నటిస్తున్నారు. లింగుస్వామి దర్శకత్వంలో తెలుగు, తమిళ భాషల్లో ఈ సినిమా రూపొందుతున్నది. పవన్ కుమార్ సమర్పణలో శ్రీనివాసా సిల్వర్ స్క్రీన్ పతాకంపై శ్రీనివాసా చిట్టూరి నిర్మిస్తున్నారు. దేవిశ్రీ ప్రసాద్ సంగీతాన్ని అందించిన ఈ చిత్రం నుంచి హీరో శింబు పాడిన ‘బుల్లెట్..’ పాటను తాజాగా చెన్నైలో విడుదల చేశారు. ఈ కార్యక్రమంలో ఉదయనిధి స్టాలిన్ ముఖ్య అతిథిగా పాల్గొన్నారు. హీరో రామ్ మాట్లాడుతూ…‘నేను చెన్నైలోనే చదువుకున్నాను. నా తొలి సినిమా తమిళంలో చేయాల్సింది. ఇప్పుడు మీ ముందుకు వస్తున్నందుకు సంతోషంగా ఉంది. లింగుస్వామి ఈ కథ చెప్పి ఆది పినిశెట్టి విలన్ పాత్రలో నటిస్తున్నారు అనగానే ఆశ్చర్యపోయాను. అతనితో కలిసి నటించడం మంచి అనుభవం’ అన్నారు. ఈ కార్యక్రమంలో నిర్మాత శ్రీనివాసా చిట్టూరి, సంగీత దర్శకుడు దేవిశ్రీప్రసాద్తో పాటు చిత్రబృందం పాల్గొన్నారు.