హెల్మెట్‌ లేకుండా బైక్‌ నడిపిన పుణె పోర్షే కేసు జడ్జి

ఇటీవల పెను దుమారం సృష్టించిన పోర్షే కారు ప్రమాదం కేసులో నిందితునికి బెయిలు మంజూరు చేసిన జువెనైల్‌ జస్టిస్‌ బోర్డ్‌ జడ్జి దన్వడేపై విపరీతంగా ట్రోల్స్‌ జరుగుతున్నాయి. ఆయన ద్విచక్ర వాహనాన్ని నడుపుతూ హెల్మెట్‌ ధరించకపోవడంపై సామాజిక మాధ్యమాల్లో విమర్శలు వెల్లువెత్తుతున్నాయి.

పుణె: ఇటీవల పెను దుమారం సృష్టించిన పోర్షే కారు ప్రమాదం కేసులో నిందితునికి బెయిలు మంజూరు చేసిన జువెనైల్‌ జస్టిస్‌ బోర్డ్‌ జడ్జి దన్వడేపై విపరీతంగా ట్రోల్స్‌ జరుగుతున్నాయి. ఆయన ద్విచక్ర వాహనాన్ని నడుపుతూ హెల్మెట్‌ ధరించకపోవడంపై సామాజిక మాధ్యమాల్లో విమర్శలు వెల్లువెత్తుతున్నాయి. ఓ యూజర్‌ పెట్టిన పోస్ట్‌లో, ‘సమస్య లేదు. హెల్మెట్‌ లేకుండా స్కూటర్‌ను నడపటంలో ఆనందం గురించి వ్యాసం రాయమని ట్రాఫిక్‌ పోలీసులు ఆయనకు చెబుతారు’ అని ఎద్దేవా చేశారు. మరో యూజర్‌ స్పందిస్తూ, ఈ వీడియోను పుణె పోలీసులకు, పుణె ట్రాఫిక్‌ పోలీసులకు ట్యాగ్‌ చేశారు. ‘హెల్మెట్‌ లేని ఈ స్కూటరిస్ట్‌ను గమనిస్తున్నారని అనుకుంటున్నాను. ట్రాఫిక్‌ చట్టాల ప్రకారం ఆయనపై చర్య తీసుకుంటారనుకుంటున్నాను. చట్టాన్ని అమలు చేయడంలో తేడాలు ఉండకూడదు’ అని స్పష్టం చేశారు.