స్టార్‌9 చేతికి పవన్‌ హన్స్‌!

న్యూఢిల్లీ, ఏప్రిల్‌ 29: ప్రభుత్వరంగ సంస్థ పవన్‌ హన్స్‌లో మెజార్టీ వాటాను కొనుగోలు చేయడానికి ముందుకొచ్చింది స్టార్‌9 మొబిలిటీ ప్రైవేట్‌ లిమిటెడ్‌. ఈ హెలిక్యాప్టర్‌ సేవల సంస్థలో 51 శాతం వాటాను రూ.211.14 కోట్లతో కొనుగోలు చేయనున్నది. ఈ విషయాన్ని కేంద్ర ఆర్థిక మంత్రిత్వ శాఖ ప్రకటించింది. కేంద్ర ప్రభుత్వం, ఓఎన్‌జీసీ సంయుక్తంగా 51:49 శాతం పద్దతిలో పవన్‌ హన్స్‌ను ఏర్పాటు చేశారు. దీంట్లో తనకున్న మొత్తం వాటాను విక్రయించనున్నట్లు ఓఎన్‌జీసీ ఇటీవల ప్రకటించిన విషయం తెలిసిందే.