నగరంలో భారీ వర్షం.. రోడ్లన్నీ జలమయం.. స్తంభించిన ట్రాఫిక్‌

నగరంలో ఉరుములు, మెరుపులతో కూడిన భారీ వర్షం కురిసింది. ఒక్కసారిగా ఆకాశం మేఘావృతం అవడంతో పెద్ద ఎత్తున ఉరుముతూ మంగళవారం సాయంత్రం వర్షం దంచికొట్టింది. ఉదయం నుంచి భగభగమండిన ఎండతో ఉక్కపోతకు నగరవాసులు ఊపిరిపీల్చుకున్నారు. ఒక్క రోజు కురిసిన భారీ వర్షానికి రోడ్లన్నీ జలమయమయ్యాయి. ట్రాఫిక్‌ స్తంభించింది.

September 23, 2026 / 03:55 AM IST

నగరంలో భారీ వర్షం.. రోడ్లన్నీ జలమయం.. స్తంభించిన ట్రాఫిక్‌

చేతులెత్తేసిన జీహెచ్‌ఎంసీ, ట్రాఫిక్‌ పోలీసులు
పొంగిపొర్లిన నాలాలు.. ముందస్తు చర్యల్లో విఫలం
ట్రాఫిక్‌లో చిక్కుకున్న వాహన దారులు

సిటీబ్యూరో, సెప్టెంబర్‌ 22 (నమస్తే తెలంగాణ) : నగరంలో ఉరుములు, మెరుపులతో కూడిన భారీ వర్షం కురిసింది. ఒక్కసారిగా ఆకాశం మేఘావృతం అవడంతో పెద్ద ఎత్తున ఉరుముతూ మంగళవారం సాయంత్రం వర్షం దంచికొట్టింది. ఉదయం నుంచి భగభగమండిన ఎండతో ఉక్కపోతకు నగరవాసులు ఊపిరిపీల్చుకున్నారు. ఒక్క రోజు కురిసిన భారీ వర్షానికి రోడ్లన్నీ జలమయమయ్యాయి. ట్రాఫిక్‌ స్తంభించింది. వాహనదారులు తీవ్ర ఇక్కట్లు ఎదుర్కొన్నారు. ముఖ్యంగా అసెంబ్లీ, సైఫాబాద్‌, లిబర్టీ, ట్యాంక్‌బండ్‌, ముషీరాబాద్‌, చిక్కడపల్లి, మలక్‌పేట్‌, పంజాగుట్ట, బంజారాహిల్స్‌, గచ్చిబౌలి, కూకట్‌పల్లి, బోరబండలో భారీ వర్షం కురిసింది. సాయంత్రం సమయం కావడంతో ఆఫీసుల నుంచి బయటకు వచ్చిన ఉద్యోగులు ట్రాఫిక్‌లో ఇరుక్కుపోవాల్సి వచ్చింది.

బంగాళాఖాతంలో ఏర్పడిన తుఫాన్‌ ప్రభావంతో మరో రెండు రోజులు నగరంలో భారీ వర్షం కురిసే అవకాశం ఉందని వాతావరణ శాఖ అధికారులు తెలిపారు. నగరానికి వాయుగుండం ఎఫెక్ట్‌ ఉందని హెచ్చరించారు. జీహెచ్‌ఎంసీ, ట్రాఫిక్‌ పోలీసుల నిర్లక్ష్యం స్పష్టంగా కనిపించింది. ముందస్తు చర్యలు తీసుకోవడంలో విఫలమయ్యారు.

రోడ్లపై నాలాలు పొంగిపొర్లడంతో వాహనదారులు ఆ మార్గాలను దాటడంలో ఇబ్బందులు ఎదుర్కొన్నారు. కూడళ్ల వద్ద, ట్రాఫిక్‌ ప్రాంతాల్లో సిబ్బంది అందుబాటులో లేకపోవడంతో వాహనాలు గంటల తరబడి ట్రాఫిక్‌లో చిక్కుకోవాల్సి వచ్చింది. వాటర్‌ లాగింగ్‌ పాయింట్ల వద్ద రోడ్లు చెరువులను తలపించడంతో వాహనదారులు ఆ మార్గాలను దాటడానికి సాహసించలేకపోయారు.

Banjara Hills