Kareena Kapoor | కరీనా కపూర్ మూడోసారి తల్లి కాబోతుందా? వైరల్ వీడియోతో జోరుగా సాగుతున్న ప్రెగ్నెన్సీ రూమర్స్!

Kareena Kapoor | బాలీవుడ్ స్టార్ కపుల్ కరీనా కపూర్, సైఫ్ అలీ ఖాన్ మరోసారి వార్తల్లో నిలిచారు. కరీనా కపూర్‌కు సంబంధించిన ఓ వీడియో ప్రస్తుతం సోషల్ మీడియాలో వైరల్‌గా మారడంతో.. ఆమె మూడోసారి గర్భవతి అయ్యారా? అంటూ నెటిజన్లు చర్చించుకుంటున్నారు. అయితే ఈ వార్తలపై కరీనా లేదా సైఫ్ అలీ ఖాన్ నుంచి ఇప్పటివరకు ఎలాంటి అధికారిక ప్రకటన రాలేదు

Kareena Kapoor | బాలీవుడ్ స్టార్ కపుల్ కరీనా కపూర్, సైఫ్ అలీ ఖాన్ మరోసారి వార్తల్లో నిలిచారు. కరీనా కపూర్‌కు సంబంధించిన ఓ వీడియో ప్రస్తుతం సోషల్ మీడియాలో వైరల్‌గా మారడంతో.. ఆమె మూడోసారి గర్భవతి అయ్యారా? అంటూ నెటిజన్లు చర్చించుకుంటున్నారు. అయితే ఈ వార్తలపై కరీనా లేదా సైఫ్ అలీ ఖాన్ నుంచి ఇప్పటివరకు ఎలాంటి అధికారిక ప్రకటన రాలేదు. ఇటీవల కరీనా కపూర్ జిమ్ నుంచి బయటకు వస్తున్న వీడియో సోషల్ మీడియాలో విపరీతంగా వైరల్ అవుతోంది. సన్‌గ్లాసెస్ ధరించి, చేతిలో వాటర్ టంబ్లర్ పట్టుకుని కరీనా తన కారు వైపు నడుచుకుంటూ రావడం వీడియోలో కనిపించింది. ఆమె కారు ఎక్కే సమయంలో సెక్యూరిటీ సిబ్బంది చుట్టూ రక్షణగా నిలబడ్డారు. అంతేకాకుండా ఓ సెక్యూరిటీ గార్డ్ కరీనా నడుము భాగం వద్ద చేయి అడ్డుగా పెట్టి ఆమెను కవర్ చేయడం కనిపించింది.

ఈ దృశ్యాలను గమనించిన కొంతమంది నెటిజన్లు.. కరీనా బేబీ బంప్‌ను దాచేందుకు సెక్యూరిటీ సిబ్బంది అలా చేశారంటూ ఊహాగానాలు మొదలుపెట్టారు. వీడియో వైరల్ కావడంతో సోషల్ మీడియాలో కొత్త చర్చ మొదలైంది. “కరీనా మూడోసారి ప్రెగ్నెంటా?”, “సైఫ్-కరీనా ఇంట్లోకి మూడో బిడ్డ రాబోతుందా?” అంటూ అభిమానులు కామెంట్లు చేస్తున్నారు. అయితే కేవలం ఒక వీడియో ఆధారంగా కరీనా గర్భవతి అని నిర్ధారించలేము. ఆమె దుస్తులు, కెమెరా యాంగిల్ లేదా సెక్యూరిటీ సిబ్బంది రక్షణ కారణంగా కూడా అలా కనిపించి ఉండొచ్చనే అభిప్రాయాలు వ్యక్తమవుతున్నాయి. ముఖ్యంగా సెలబ్రిటీల వ్యక్తిగత జీవితాలకు సంబంధించిన ఇలాంటి విషయాల్లో అధికారిక ధృవీకరణ లేకుండా నిర్ణయానికి రావడం సరికాదని పలువురు అంటున్నారు.

కరీనా కపూర్, సైఫ్ అలీ ఖాన్ 2012లో వివాహం చేసుకున్నారు. ఈ దంపతులకు తైమూర్ అలీ ఖాన్, జహంగీర్ అలీ ఖాన్ (జెహ్) అనే ఇద్దరు కుమారులు ఉన్నారు. కరీనా, సైఫ్ జంటకు బాలీవుడ్‌లో ప్రత్యేకమైన ఫ్యాన్ ఫాలోయింగ్ ఉంది. వారి పిల్లలు తైమూర్, జెహ్‌కు సంబంధించిన ఫొటోలు, వీడియోలు కూడా తరచూ సోషల్ మీడియాలో వైరల్ అవుతుంటాయి. ప్రస్తుతం కరీనా మూడోసారి గర్భవతి అన్న వార్త కేవలం సోషల్ మీడియా చర్చలకే పరిమితమైంది. కరీనా కపూర్ లేదా సైఫ్ అలీ ఖాన్ ఈ విషయంపై అధికారికంగా స్పందించలేదు. దీంతో వైరల్ వీడియోలో కనిపించిన దృశ్యాలు మాత్రమే ఆధారంగా వచ్చిన ఈ వార్తల్లో నిజమెంత అనేది తెలియాల్సి ఉంది.

 

View this post on Instagram

 

A post shared by Instant Bollywood (@instantbollywood)