Uma Movie | పెళ్లిలో అపరిచితురాలు

కాజల్‌ అగర్వాల్‌ కథానాయికగా నటిస్తున్న బాలీవుడ్‌ చిత్రం ‘ఉమ’. కోల్‌కతా బ్యాక్‌డ్రాప్‌లో ఫ్యామిలీ ఎమోషన్స్‌కు నాటకీయతను మేళవించి రూపొందిస్తున్న ఈ చిత్రానికి తథాగత సింఘా దర్శకత్వం వహిస్తున్నారు. కాజల్‌ అగర్వాల్‌ ఫస్ట్‌లుక్‌ను మంగళవారం చిత్రబృందం విడుదలచేసింది. ఈ పోస్టర్‌లో సంప్రదాయ దుస్తుల్లో ఆమె విభిన్నంగా కనిపిస్తున్నది. ఉన్నత కుటుంటానికి చెందిన ఓ పెళ్లి వేడుక నేపథ్యంలో సాగే చిత్రమిది. ఆ పెళ్లికి వచ్చే ఓ అపరిచితురాలైన యువతిగా భిన్న పార్శాలతో కాజల్‌ పాత్ర సాగుతుందని చిత్రబృందం చెబుతున్నది. చిత్రీకరణ పూర్తయింది. త్వరలో ఈ సినిమాను ప్రేక్షకుల ముందుకు తీసుకురాబోతున్నారు.