గని బరిలో దిగితే..

వరుణ్‌తేజ్‌ కథానాయకుడిగా నటిస్తున్న తాజా చిత్రం ‘గని’. కిరణ్‌ కొర్రపాటి దర్శకుడు. అల్లు బాబీ, సిద్ధు ముద్ద నిర్మాతలు. ఈ సినిమా సెన్సార్‌ కార్యక్రమాలు పూర్తయ్యాయి. ‘యు.ఏ’ సర్టిఫికెట్‌ లభించింది. ఈ నెల 25న విడుదల చేయబోతున్నారు. ‘పాటలకు మంచి స్పందన లభిస్తున్నది. ఇటీవల విడుదలైన టీజర్‌ అందరిని ఆకట్టుకుంటున్నది. వరుణ్‌తేజ్‌ లుక్‌ కొత్తగా ఉందని ప్రశంసలొస్తున్నాయి’ అని చిత్రబృందం తెలిపింది. ఈ సినిమాలో వరుణ్‌తేజ్‌ బాక్సర్‌గా కనిపించనున్నారు. లక్ష్యసాధన కోసం అతను బరిలో చేసే పోరాటం..ఈ క్రమంలో చోటుచేసుకునే అనూహ్య మలుపులు ఉత్కంఠను పంచుతాయని దర్శకుడు చెప్పారు. జగపతిబాబు, సునీల్‌శెట్టి, ఉపేంద్ర, నవీన్‌చంద్ర తదితరులు నటిస్తున్న ఈ చిత్రానికి సినిమాటోగ్రఫీ: జార్జ్‌ సి విలియమ్స్‌, ఎడిటర్‌: మార్తాండ్‌ కె వెంకటేష్‌, సంగీతం: తమన్‌, సమర్పణ: అల్లు అరవింద్‌, దర్శకత్వం: కిరణ్‌ కొర్రపాటి.