హువావే బ్యాండ్‌ 6 లాంచ్‌..రెండు వారాలు బ్యాటరీ లైఫ్‌

చైనీస్‌ కంపెనీ హువావే సరికొత్త ఫిట్‌నెస్‌ బ్యాండ్‌ను ఆవిష్కరించింది. హువావే బ్యాండ్‌ 6 పేరుతో లాంచ్‌ చేసిన కొత్త వేరబుల్‌ డివైజ్‌లో డిస్‌ప్లేను మరింత అభివృద్ధి చేశారు. 1.47 అంగుళాల అమోలెడ్‌ టచ్‌ డిస్‌ప్లేతో విడుదలైంది. బ్యాండ్‌ 6 గ్రాఫైట్‌ బ్లాక్‌, అంబర్‌ సన్‌రైజ్‌, ఫారెస్ట్‌ గ్రీన్‌ కలర్లలో వస్తుంది. ఇందులో ఆప్టికల్‌ హార్ట్‌ రేట్‌ సెన్సార్‌తో పాటు యాక్సిలెరోమీటర్ సెన్సార్, గైరోస్కోప్ సెన్సార్ వంటివి ఉన్నాయి. కొత్త ఫిట్‌నెస్ బ్యాండ్‌లో స్లీప్‌, SpO2 (బ్లడ్-ఆక్సిజన్), అలాగే స్ట్రెస్‌ మానిటరింగ్‌ వంటి ప్రీమియం ఫీచర్లతో వస్తుంది.

ఇందులో 5 ATM వాటర్‌ రెసిస్టెంట్‌ కూడా ఉంది. బ్యాండ్‌ను సాధారణంగా వాడితే రెండు వారాల బ్యాటరీ లైఫ్‌ అందిస్తుంది. సుమారు 96 రకాల ఎక్సర్‌సైజ్‌ మోడ్‌లను వేరబుల్‌ డివైజ్‌ సపోర్ట్‌ చేస్తుంది. మలేషియాలో విడుదలైన బ్యాండ్‌ 6 ధర సుమారు రూ. 3,800గా నిర్ణయించారు. భారత్‌తో పాటు ఇతర దేశాల్లో దీన్ని ఎప్పుడు విడుదల చేస్తారనేదానిపై కంపెనీ ఎలాంటి ప్రకటన చేయలేదు.