అయితే.. ప్రెగ్నెన్సీ వస్తుందా?

నా వయసు ఇరవై మూడు. మావారి వయసు ఇరవై అయిదు. ఇప్పుడే పిల్లలు వద్దనుకుంటున్నాం. నోటి మాత్రలు కాకుండా వేరే గర్భనిరోధక సాధనాలు వాడుతున్నాం. అయితే, ఈ మధ్య అనుకోకుండా ఎలాంటి రక్షణా లేకుండా కలిశాం

నా వయసు ఇరవై మూడు. మావారి వయసు ఇరవై అయిదు. ఇప్పుడే పిల్లలు వద్దనుకుంటున్నాం. నోటి మాత్రలు కాకుండా వేరే గర్భనిరోధక సాధనాలు వాడుతున్నాం. అయితే, ఈ మధ్య అనుకోకుండా ఎలాంటి రక్షణా లేకుండా కలిశాం. అదీ నా నెలసరి అయిన వారం రోజులకే. దీంతో ప్రెగ్నెన్సీ వస్తుందేమోనని కంగారుగా ఉంది. గర్భాన్ని నిర్ధారించుకోవాలంటే ఎన్ని వారాలు ఆగాలి. ఏ పరీక్షలు చేయించుకోవాలి?
– ఓ సోదరి

సాధారణంగా నెలసరి వచ్చిన పది నుంచి ఇరవై రోజుల మధ్య కలిస్తే గర్భం ధరించే అవకాశాలు ఎక్కువ. కాబట్టి మీరు పెద్దగా కంగారు పడాల్సిన అవసరం లేదనే చెప్పాలి. అయితే, గర్భం ఏ రోజుల్లో రావచ్చు అన్నది మీ పీరియడ్‌ సైకిల్‌ ఎన్ని రోజులది అన్నదాని మీద కూడా ఆధారపడి ఉంటుంది. అది తెలిస్తేగానీ కచ్చితంగా ఏ రోజుల్లో గర్భం ధరించే ఆస్కారం ఉంటుందన్నది అంచనా వేయలేం. ఇక, మీరు అడిగినట్టు ఒకవేళ ప్రెగ్నెన్సీ వచ్చిందా? అనే విషయం తెలుసుకోవడానికి మరీ ఎక్కువ రోజులు ఆగాల్సిన పన్లేదు. మీ నెలసరి తేదీ వచ్చినా పీరియడ్స్‌ రాకపోతే.. వారం రోజుల తర్వాత సీరం బీటా హెచ్‌సీజీ అనే రక్త పరీక్ష చేయించుకోండి. వెంటనే ఫలితం తెలుస్తుంది. ఈ పరీక్ష ద్వారా గర్భస్థ పిండం కచ్చితమైన వయసు కనుక్కొనే అవకాశమూ ఉంటుంది.

– డాక్టర్‌ పి. బాలాంబ సీనియర్‌ గైనకాలజిస్ట్‌