Hair Fall | పెరుగుతో రోజూ ఇలా చేస్తే జుట్టు రాల‌డం త‌గ్గుతుంది

Hair fall and Curd for Hair | ఓ ఆహారంగా జిహ్వ రుచిని పెంచే పెరుగు, కేశాలనూ సంరక్షిస్తుంది. అందులోని పోషకాలు జుట్టుకు బలాన్నిస్తాయి.

› జుట్టును గోరువెచ్చని నీటితో తడిపిన తర్వాత, బాగా తుడుచుకోవాలి. అనంతరం గడ్డపెరుగును జుట్టుకు పట్టించాలి. 15 నిమిషాలు ఆగి, గోరు వెచ్చని నీటితో శుభ్రం చేసుకోవాలి. దీనివల్ల పెరుగులోని విటమిన్‌-బి, హెయిర్‌ ప్రొటీన్‌ చుండ్రును నివారిస్తాయి.

› రెండు కప్పుల పెరుగులో అర టీస్పూన్‌ మెంతి పొడి కలపాలి. ఆ ప్యాక్‌ను జుట్టుకు పట్టించాలి. పది నిమిషాల తర్వాత శుభ్రం చేసుకుంటే కేశాలు రాలడం తగ్గిపోతుంది.

› ఒక స్పూన్‌ పెరుగు, ఒక స్పూన్‌ ఉసిరి పొడిని ఒక గిన్నెలో బాగా కలిపి జుట్టుకు పట్టించాలి. అరగంట తర్వాత షాంపూతో తలస్నానం చెయ్యాలి. దీనివల్ల వెంట్రుకలకు కొత్త జీవం వస్తుంది. కుదుళ్లకు బలం చేకూరుతుంది. జుట్టు మళ్లీ పెరుగుతుంది.

› కప్పు పెరుగు, గుడ్డు పచ్చసొనను మెత్తని పేస్టులా కలిపి జుట్టుకు రాసుకోవాలి. 25 నిమిషాల తర్వాత షాంపూతో తలస్నానం చేస్తే.. జుట్టు పొడిబారకుండా ఉంటుంది. పచ్చసొన జుట్టుకు తేమను అందిస్తుంది.

›  ఒక కప్పు పెరుగులో, గుడ్డు పచ్చసొన, ఒకటిరెండు రోజ్‌మేరీ చుక్కలు వేసి, బాగా కలిపి జుట్టుకు పట్టించాలి. గంట తర్వాత షాంపూతో శుభ్రం చేసుకుంటే జుట్టుకు బలం వస్తుంది. చిట్లి పోకుండానూ ఉంటుంది.

›  కప్పు పెరుగులో రెండు టీస్పూన్ల తేనె కలిపి జుట్టుకు పట్టించాలి. 20 నిమిషాల తర్వాత శుభ్రం చేసుకుంటే జుట్టు రాలడం ఆగిపోతుంది. కేశాలకు కండిషనర్‌గానూ పనిచేస్తుంది.

›  కొబ్బరినూనె, పెరుగు మిశ్రమం జుట్టుకు సహజమైన మాయిశ్చరైజర్‌. ఇందుకు మొదట.. కొబ్బరినూనెను వేడిచేయాలి. చల్లారిన తర్వాత తేనె, పెరుగు కలపాలి. ఈ మిశ్రమాన్ని బాగా కలిపి జుట్టు మొదళ్లకు పట్టించాలి.

Read More :

ఎర్ర ఉల్లిగ‌డ్డ‌ల‌ నూనెతో ఇలా చేస్తే కొత్త వెంట్రుక‌లు పుడ‌తాయా? ఉన్న‌వి ఊడుతాయా?”