జింక కొమ్ములకు ఆకుల ఆకృతి ఇచ్చినట్టు గమ్మత్తుగా కనిపిస్తున్న ఈ మొక్క పేరు.. స్టాగ్హార్న్ (జింక కొమ్ము) ఫెర్న్. ఆకుల ఆకారాన్ని బట్టి ఆ పేరు పెట్టారు. సన్నటి పత్రాలు, పొడవాటి రెమ్మలతో గుబురుగా పెరిగే ఫెర్న్ మొక్కలు మనకు సుపరిచితమే.
ఈ మొక్క కూడా ఆ కోవకు చెందినది. దీనికి పెద్దగా నీరు అవసరం లేదు. గాల్లో వేలాడదీసి అప్పుడప్పుడూ నీళ్లు చిలకరించినా చాలు. కుండీల్లోనూ పెంచుకోవచ్చు. పై నుంచి వేలాడే హ్యాంగింగ్ ప్లాంటర్లలో అయితే విభిన్నంగా కనిపిస్తూ.. ఇంటికి ప్రత్యేకమైన అందాన్ని తీసుకొస్తుంది.