స్మగ్లర్ల కారు టాప్‌పైకి ఎక్కి 40 కి.మీ ఛేజింగ్‌

గుట్కా స్మగ్లర్లను పట్టుకునే క్రమంలో తమిళనాడులోని కోయంబత్తూరులో సినిమా తరహాలో భారీ కారు ఛేజింగ్‌ జరిగింది. ఒక కానిస్టేబుల్‌ అయితే ఏకంగా స్మగ్లర్ల వాహనంపైకి దూకి దానిపైనే సుమారు 40 కి.మీ ఉండటం ఇందులో విశేషం.

కోయంబత్తూరు, సెప్టెంబర్‌ 27: గుట్కా స్మగ్లర్లను పట్టుకునే క్రమంలో తమిళనాడులోని కోయంబత్తూరులో సినిమా తరహాలో భారీ కారు ఛేజింగ్‌ జరిగింది. ఒక కానిస్టేబుల్‌ అయితే ఏకంగా స్మగ్లర్ల వాహనంపైకి దూకి దానిపైనే సుమారు 40 కి.మీ ఉండటం ఇందులో విశేషం.వివరాల్లోకి వెళితే.. గుట్కా రవాణా జరుగుతున్నదన్న సమాచారంలో కోయంబత్తూరులోని విలంకురిచిలో పోలీసులు తనిఖీలు చేస్తుండగా స్మగ్లర్ల కారు ఆపకుండా దూసుకుపోయింది. దీంతో వారిని పట్టుకోవడానికి పోలీసులు వాహనాల్లో వెంటబడ్డారు.

ఈ ఛేజింగ్‌లో హెడ్‌ కానిస్టేబుల్‌ వేల్మురుగన్‌ ఎలాగోలా స్మగ్లర్ల వాహనం టాప్‌ పైకి దూకాడు. అయినా వారు కారు ఆపలేదు. ఎట్టకేలకు 40 కి.మీ పాటు ఛేజింగ్‌ తర్వాత పోలీసులు కారులోని ముగ్గురిని అరెస్ట్‌ చేసి, వారి నుంచి గుట్కా, పొగాకును స్వాధీనం చేసుకున్నారు.