IPL 2023 : ఈడెన్ గార్డెన్స్లో పరుగుల వరద పారింది. చెన్నై సూపర్ కింగ్స్ బ్యాటర్లు దంచి కొట్టారు. దాంతో, ధోనీ సేన ఈ సీజన్లో హ్యాట్రిక్ విక్టరీ కొట్టింది. కోల్కతా నైట్ రైడర్స్పై 49 పరుగుల తేడాతో గెలిచింది. ఓపెనర్ డెవాన్ కాన్వే(56), అజింక్యా రహానే(71), శివం దూబే(50) వీర కొట్టుడు కొట్టడంతో చెన్నై 234 పరుగులు చేసింది. ఆ తర్వాత జేసన్ రాయ్(61), రింకూ సింగ్(53) విధ్వంసక ఇన్నింగ్స్ ఆడినా సరిపోలేదు. కోల్కతాకు ఇది వరుసగా నాలుగో ఓటమి. భారీ విజయంతో చెన్నై పాయింట్ల పట్టికలో అగ్రస్థానానికి చేరింది.
పథిరన వేసిన ఆఖరి ఓవర్లో 56 రన్స్ అవసరమయ్యాయి. తొలి బంతికి రింకూ సింగ్(53) సిక్స్ కొట్టి యాభై రన్స్ పూర్తి చేసుకున్నాడు. ఫోర్ కొట్టాడు. లాంగాఫ్లో సిక్స్ బాదాడు. దాంతో చెన్నై 49 పరుగుల తేడాతో గెలుపొందింది.
భారీ లక్ష్య ఛేదనలో కోల్కతాకు తొలి ఓవర్లోనే షాక్ తగిలింది.. ఓపెనర్గా వచ్చిన సునీల్ నరైన్(0)ను ఇంపాక్ట్ ప్లేయర్ ఆకాశ్ సింగ్ బౌల్డ్ చేశాడు. రెండో ఓవర్లో మరో ఓపెనర్ జగదీశన్(1) ఔటయ్యాడు. కెప్టెన్ నితీశ్ రానా(27),ఇంపాక్ట్ ప్లేయర్ వెంకటేశ్ అయ్యర్(20) తక్కువకే ఔటయ్యారు. ఆ తర్వాత జేసన్ రాయ్(61), రింకూ సింగ్ ధాటిగా ఆడారు. రాయ్ ఔటయ్యాక ఆండ్రూ రస్సెల్(9), చెన్నై బౌలర్లలో తుషార్ దేశ్పాండే, మహీశ్ థీక్షణ రెండు వికెట్లు తీశారు. ఆకాశ్ సింగ్, జడేజా, మోయిన్ అలీ తలా ఒక వికెట్ తీశారు.
ఫామ్లో ఉన్న చెన్నై సూపర్ కింగ్స్ బ్యాటర్లు చితక్కొట్టారు. ఓపెనర్ డెవాన్ కాన్వే(56), అజింక్యా రహానే(37), శివం దూబే(50) సిక్స్లు, ఫోర్లతో హోరెత్తించారు. దాంతో ధోనీ సేన ఈ సీజన్లో అత్యధిక పరుగులు కొట్టింది. కోల్కతాకు 236 టార్గెట్ నిర్దేశించింది. ఓపెనర్లు రుతురాజ్ గైక్వాడ్ (35), డెవాన్ కాన్వే(56 34 బంతుల్లో 3 ఫోర్లు, 3 సిక్స్లు) ధాటిగా ఆడారు. తొలి వికెట్కు 73 పరుగులు జోడించారు. ప్రమాదకరంగా మారుతున్న ఈ జోడీని సుయాశ్ శర్మ తన మొదటి ఓవర్లోనే విడదీశాడు. రుతురాజ్ను బౌల్డ్ చేశాడు. అయినా చెన్నై బ్యాటర్ల జోరు తగ్గలేదు. క్లాస్ ఆటతో అలరించిన అజింక్యా రహానే(71: 29 బంతుల్లో 6 ఫోర్లు, 5 సిక్స్లు), శివం దూబే(50: 21 బంతుల్లో రెండు ఫోర్లు, 5 సిక్స్లు) సిక్సర్లతో విరుచుకుపడ్డారు. కోల్కతా స్పిన్ త్రయాన్ని ఉతికి ఆరేశారు. ఆఖర్లో రవీంద్ర జడేజా(18) దంచాడు. కోల్కతా బౌలర్లలో ఖేజ్రోలియా రెండు, వరుణ్ చక్రవర్తి, సుయాశ్ శర్మ తలా ఒక వికెట్తీశారు.