Visit:
తాండూరు, జూన్ 7: తాండూరు మాజీ ఎమ్మెల్యే పైలెట్ రోహిత్రెడ్డి జన్మదినం సందర్భంగా ఆదివారం తాండూరు నియోజకవర్గంలో..అలాగే, హైదరాబాద్ మణికొండలోని రోహిత్రెడ్డి నివాసంలో వేడుకలు ఘనంగా జరిగియి. నియోజకవర్గ బీఆర్ఎస్ నాయకులు, కార్యకర్తలు, రోహితన్న యువసేన కార్యకర్తలు అధిక సంఖ్యలో పాల్గొని శుభాకాంక్షలు తెలిపారు. అభిమానుల కోలాహలం మధ్య రోహిత్రెడ్డి తన సతీమణి ఆర్తిరెడ్డి, ఆయన తండ్రి సీనియర్ బీఆర్ఎస్ నాయకుడు విఠల్రెడ్డి, రోహిత్రెడ్డి తల్లి ప్రమోదినిరెడ్డి, సోదరుడు రితేశ్రెడ్డి, పార్టీ తాండూరు నియోజకవర్గ ఇన్చార్జి శ్రీశైల్రెడ్డి తదితరులతో కలిసి కేక్కట్ చేసి జన్మదిన వేడుకలను ఘనంగా జరుపుకొన్నారు.
అలాగే, రోహిత్రెడ్డి తాండూరు క్యాంపు కార్యాలయంలోనూ ఆయన తండ్రి విఠల్రెడ్డి ఆధ్వర్యంలో పుట్టిన రోజు వేడుకలను నిర్వహించి కేక్ కట్ చేయగా బీఆర్ఎస్ నాయకులు, కార్యకర్తలు ఒకరికొకరు తినిపించుకున్నారు. ఈ సందర్భంగా తాండూరు జిల్లా దవాఖానలో రోగులకు రోహితన్న సేన కార్యకర్తలు, బీఆర్ఎస్ నాయకులు పండ్లు పంపిణీ చేశారు. కాగా, హైదరాబాద్ మణికొండలో నిర్వహించిన రోహిత్రెడ్డి పుట్టిన రోజు వేడుకలకు తాండూరు నియోజకరవర్గంలోని తాం డూరు, బషీరాబాద్, యాలాల, పెద్దేముల్, కోట్పల్లి మండలాల నుంచి పెద్ద సంఖ్యలో అభిమానులు, నాయకులు తరలివెల్లారు.
రోహిత్రెడ్డి సతీమణి ఆర్తిరెడ్డితో కలిపి గజమాలను వేసి సత్కరించారు. ఈ సందర్భంగా అభిమానులు కలిసి పుష్పగుచ్ఛాలు అందించి రోహిత్రెడ్డికి జన్మదిన శుభాకాంక్షలు తెలిపారు. ఈ సందర్భంగా పార్టీ తాం డూరు నియోజకవర్గ నాయకుడు రాజూగౌడ్ , ఇతర నాయకులు మాట్లాడుతూ.. ప్రజాసమస్యల పరిష్కారంతోపాటు తాండూరు అభివృద్ధికి కృషి చేసిన రోహిత్రెడ్డి ఆయురారోగ్యాలతో జీవించాలని ఆకాంక్షించారు.
