ట్రాఫిక్‌లో చిక్కుకున్న కారు.. 3 కిలోమీట‌ర్ల దూరం ప‌రుగెత్తి స‌ర్జ‌రీ చేసిన డాక్ట‌ర్‌

Bengaluru Doctor: క‌ర్నాటక రాజ‌ధాని బెంగుళూరులో ట్రాఫిక్ ఓ పెద్ద స‌మ‌స్య‌. జామైందంటే గంట‌ల‌కొద్దీ వాహ‌నాలు ట్రాఫిక్‌లో చిక్కుకుపోవాల్సిందే. ఇక టైం ఫిక్స్ చేసుకుని ప‌నికి వెళ్లేవాళ్ల కోసం క‌ష్టాలు త‌ప్ప‌వు. అయితే ఇటీవ‌ల

బెంగుళూరు: క‌ర్నాటక రాజ‌ధాని బెంగుళూరులో ట్రాఫిక్ ఓ పెద్ద స‌మ‌స్య‌. జామైందంటే గంట‌ల‌కొద్దీ వాహ‌నాలు ట్రాఫిక్‌లో చిక్కుకుపోవాల్సిందే. ఇక టైం ఫిక్స్ చేసుకుని ప‌నికి వెళ్లేవాళ్ల కోసం క‌ష్టాలు త‌ప్ప‌వు. అయితే ఇటీవ‌ల ఓ బెంగుళూరు డాక్ట‌ర్ త‌న కారును ట్రాఫిక్‌లో వ‌దిలేసి హాస్పిట‌ల్‌కు ప‌రుగులు తీశాడు. ఆ వీడియో ఒక‌టి ఇప్పుడు వైర‌ల్ అవుతోంది. స‌ర్జాపూర్‌లో ఉన్న మ‌ణిపాల్ హాస్పిట‌ల్‌లో గ్యాస్ట్రో ఎంట‌రాల‌జీ స‌ర్జ‌న్‌గా చేస్తున్న డాక్ట‌ర్ గోవింద్ నంద‌కుమార్ ఆగ‌స్టు 30వ తేదీన ఉద‌యం 10 గంట‌ల‌కు ఓ మ‌హిళకు గ్యాల్‌బాడ‌ర్ స‌ర్జ‌రీ చేయాల్సి వ‌చ్చింది. అయితే ఇంటి నుంచి బ‌య‌లుదేరిన ఆ డాక్ట‌ర్ ఫుల్ ట్రాఫిక్‌లో చిక్కుకున్నాడు. స‌ర్జ‌రీకి లేట్ అవుతుందేమో అన్న కంగారులో.. ఆ డాక్ట‌ర్ మూడు కిలోమీట‌ర్ల దూరం ప‌రుగులు తీశాడు. డ్రైవ‌ర్‌కే కారును వ‌దిలేసిన ఆ డాక్ట‌ర్‌.. శ‌ర‌వేగంగా హాస్పిట‌ల్‌కు చేరుకుని స‌క్సెస్‌ఫుల్‌గా స‌ర్జ‌రీ చేశారు. పేషెంట్ ఆరోగ్యంగా ఉన్నార‌ని, షెడ్యూల్ ప్ర‌కార‌మే డిశ్చార్జ్ చేసిన‌ట్లు తెలుస్తోంది.