Suchika Tariyal | ఏసియ‌న్ గేమ్స్ చ‌రిత్ర‌లో కొత్త రికార్డు.. ఎంఎంఏలో భార‌త్‌కు తొలి ప‌త‌కం..!

Suchika Tariyal | ఏసియ‌న్ గేమ్స్‌ (Asian Games) మిక్స్‌డ్‌ మార్షల్‌ ఆర్ట్స్‌ (MMA) విభాగంలో భార‌త క్రీడాకారిణి సుచికా తారియాల్ (Suchika Tariyal) కొత్త‌ చరిత్ర సృష్టించింది. సోమవారం జరిగిన మహిళల ట్రెడిషనల్‌ 60 కేజీల విభాగంలో సుచికా కాంస్య పతకం (Bronze Medal) సాధించింది. దాంతో ఎంఎంఏ విభాగంలో భార‌త్‌కు తొలి పతకాన్ని అందించిన క్రీడాకారిణిగా సుచిత‌ నిలిచింది.

Suchika Tariyal : ఏసియ‌న్ గేమ్స్‌ (Asian Games) మిక్స్‌డ్‌ మార్షల్‌ ఆర్ట్స్‌ (MMA) విభాగంలో భార‌త క్రీడాకారిణి సుచికా తారియాల్ (Suchika Tariyal) కొత్త‌ చరిత్ర సృష్టించింది. సోమవారం జరిగిన మహిళల ట్రెడిషనల్‌ 60 కేజీల విభాగంలో సుచికా కాంస్య పతకం (Bronze Medal) సాధించింది. దాంతో ఎంఎంఏ విభాగంలో భార‌త్‌కు తొలి పతకాన్ని అందించిన క్రీడాకారిణిగా సుచిత‌ నిలిచింది. ఏషియన్‌ గేమ్స్‌లో గ‌తంలో ఎంఎంఏకు చోటులేదు. ఈసారే ఈ క్రీడ‌ తొలిసారి చోటు దక్కించుకుంది. ఈ క్రీడ‌లో మూడో స్థానంలో నిలిచిన‌ సుచిత భార‌త్‌కు తొలి ప‌త‌కాన్ని అందించింది.

సెమీఫైనల్లో సింగపూర్‌కు చెందిన హుయ్‌ హూన్‌ టియోతో సుచికా తలపడింది. హోరాహోరీగా సాగిన ఈ పోరు అదనపు సమయంలోకి వెళ్లింది. చివరకు స్వల్ప తేడాతో సుచిక ఓటమి పాలైంది. దాంతో ఫైనల్‌కు చేరే అవకాశం కోల్పోయినా.. అప్పటికే కాంస్య పతకం ఖాయమైంది. అంతకుముందు క్వార్టర్‌ఫైనల్లో మంగోలియాకు చెందిన అల్టాన్‌చిమెగ్‌ బైగల్మాను 2-0తో సుచికా ఓడించింది. దాంతో ఏషియన్‌ గేమ్స్‌లో ఎంఎంఏలో భారత్‌కు పతకం ఖాయం చేసిన తొలి క్రీడాకారిణిగా రికార్డు సృష్టించింది.

36 ఏళ్ల సుచికా ప్రయాణం ఒక్క ఎంఎంఏకే పరిమితం కాలేదు. జాతీయస్థాయి జూడో క్రీడాకారిణిగా ఎదిగిన ఆమె 2022 బర్మింగ్‌హామ్‌ కామన్వెల్త్‌ గేమ్స్‌లో పాల్గొన్న‌ది. 2023 ఏషియన్‌ గేమ్స్‌లో కురాష్‌లోనూ పోటీపడింది. ఆ తర్వాత జియూ-జిట్సులో సత్తా చాటి 2024లో ఫైటింగ్‌ జియూ-జిట్సు ప్రపంచ ఛాంపియన్‌గా నిలిచింది. 2017లో ఎంఎంఏలో ప్రొఫెషనల్‌గా అరంగేట్రం చేసిన సుచికా.. జూడో, జియూ-జిట్సుపై దృష్టి పెట్టడంతో కొన్నేళ్లు ఈ క్రీడకు దూరంగా ఉన్న‌ది.

2024లో మళ్లీ ఎంఎంఏలోకి వచ్చి ‘బ్రేవ్‌ కంబాట్‌ ఫెడరేషన్‌’ తో ఒప్పందం చేసుకుంది. గాయం వంటి అడ్డంకులను అధిగమించి తిరిగి వచ్చిన ఆమె.. ఇప్పుడు ఏషియన్‌ గేమ్స్‌లో భారత్‌కు చారిత్రక పతకం అందించింది. ఏషియన్‌ గేమ్స్‌లో ఎంఎంఏను తొలిసారి ప్రవేశపెట్ట‌గా.. వెంటనే భారత్‌కు పతకం రావడం విశేషం. ఈ ఘనత భారత ఎంఎంఏ చరిత్రలో సుచికా తారియాల్‌కు ప్రత్యేక స్థానం కల్పించింది.