KEM Medical College | 29 మంది విద్యార్థులకు కరోనా

29 Mumbai Medical College Students Test Positive, 27 Fully Vaccinated | ముంబైలోని కేఈఎం మెడికల్‌ కాలేజీలో కరోనా కలకలం సృష్టించింది. 29 మంది విద్యార్థులు కొవిడ్‌కు పాజిటివ్‌గా పరీక్షలు

ముంబై : మహారాష్ట్ర ముంబైలోని కేఈఎం మెడికల్‌ కాలేజీలో కరోనా కలకలం సృష్టించింది. 29 మంది విద్యార్థులకు కొవిడ్‌ పాజిటివ్‌గా నిర్ధారణ అయ్యింది. అయితే, ఇందులో 27 మంది రెండు డోసుల కొవిడ్‌ టీకా తీసుకున్నారు. 29 మంది విద్యార్థుల్లో 23 మంది ఎంబీబీఎస్‌ సెకండియర్‌ చదువుతుండగా.. ఆరుగురు మొదటి సంవత్సరం విద్యార్థులు. ఇందులో ఇద్దరు విద్యార్థులను చికిత్స కోసం సెవెన్‌ హిల్స్‌ ఆసుపత్రిలో చేర్చారు. మిగిలిన వారందరినీ ఐసోలేషన్‌కు తరలించారు. కళాశాలలో మొత్తం 1100 మంది వైద్య విద్యార్థులు ఉన్నారని కేఈఎం హాస్పిటల్‌ డీన్‌ హేమంత్‌ దేశ్‌ముఖ్‌ తెలిపారు.