మరో కొత్త టీకా..

మూత్రాశయ ఇన్ఫెక్షన్‌.. ఈ మాట వింటేనే వైద్యలోకం హడలెత్తిపోతుంది. కారణం.. చిన్నపాటి సమస్యగా భావించి అశ్రద్ధ చేస్తే శరీరమంతా పాకే ప్రమాదం ఉంది. యాంటీ బయా
టిక్స్‌తో ఎలాగోలా లొంగదీసుకున్నా.. తర్వాత మళ్లీ తిరగబెడితే, మునుపటి మందులు పనిచేయవు. ఈ సమస్యకు ఇప్పటి వరకూ సరైన పరిష్కారం లేదు. టీకాలు కనుగొన్నా, అవన్నీ ఏమంత ప్రభావవంతంగా పనిచేయలేదు. తాజాగా, టెక్సాస్‌ విశ్వవిద్యాలయ శాస్త్రవేత్తలు ఓ సమర్థమైన టీకాను రూపొందించారు. ఇన్ఫెక్షన్‌ కలిగించే బ్యాక్టీరియా తాలూకు మృతకణాలను ఉపయోగించి ఈ టీకాను తయారుచేశారు. అంతేకాదు, ‘యాంటిజెన్‌ డిపో’ అనే ప్రక్రియ సాయంతో,
ఈ టీకా దీర్ఘకాలం పనిచేసేలా జాగ్రత్తలు తీసుకున్నారు. ఏటా పదిహేను కోట్ల మంది మూత్రాశయ ఇన్ఫెక్షన్‌తో బాధపడుతున్నారని అంచనా. వారికి ఇది శుభవార్తే.