Woman Stabbed In Neck | పెళ్లికి నిరాకరించిన మరదలు.. మెడపై కత్తితో పొడిచిన బావ

Woman Stabbed In Neck | పెళ్లికి నిరాకరించడంతో మరదలుపై బావ దాడి చేశాడు. ఆమె మెడపై కత్తితో పొడిచాడు. (Woman Stabbed In Neck) తీవ్రంగా గాయపడిన ఆ మహిళ పరిస్థితి విషమంగా ఉందని పోలీసులు తెలిపారు.

లక్నో: పెళ్లికి నిరాకరించడంతో మరదలుపై బావ దాడి చేశాడు. ఆమె మెడపై కత్తితో పొడిచాడు. (Woman Stabbed In Neck) తీవ్రంగా గాయపడిన ఆ మహిళ పరిస్థితి విషమంగా ఉందని పోలీసులు తెలిపారు. ఉత్తరప్రదేశ్‌లోని బందా జిల్లాలో ఈ సంఘటన జరిగింది. 25 ఏళ్ల మహిళ తన మేనమామ ఇంట్లో ఉంటున్నది. బావ అయిన 26 ఏళ్ల జ్ఞాన ప్రకాష్, ఆమె ఒకే కాలేజీలో లా చదువుతున్నారు. శుక్రవారం సాయంత్రం ప్రకాష్‌ తన మరదలు వద్ద పెళ్లి ప్రస్తావన తెచ్చాడు. ఆమె నిరాకరించడంతో ఆగ్రహించాడు. ఈ నేపథ్యంలో మరదలు మెడపై కత్తితో పొడిచాడు. అనంతరం అక్కడి నుంచి పారిపోయాడు.

కాగా,  తీవ్రంగా గాయపడిన మహిళను ప్రభుత్వ మెడికల్‌ కాలేజీ ఆసుపత్రికి తరలించి చికిత్స అందిస్తున్నారు. ఆమె ఆరోగ్య పరిస్థితి విషమంగా ఉన్నట్లు పోలీసులు తెలిపారు. ఈ సంఘటనపై దర్యాప్తు చేస్తున్నట్లు చెప్పారు. పరారిలో ఉన్న నిందితుడు ప్రకాష్‌ కోసం వెతుకుతున్నట్లు పోలీస్‌ అధికారి వెల్లడించారు.