భోపాల్: ఒక మహిళ మొబైల్ ఫోన్లో మాట్లాడుతూ రోడ్డు పక్కన నడుచుకుంటూ వెళ్తున్నది. అయితే బైక్పై వచ్చిన ఇద్దరు వ్యక్తులు ఆమె చేతిలోని మొబైల్ ఫోన్ను లాక్కొనిపోయారు. ఊహించని ఈ సంఘటనతో ఆ మహిళ ఎగిరి రోడ్డుపై పడింది (Woman Falls). మధ్యప్రదేశ్లోని ఇండోర్లో ఈ సంఘటన జరిగింది.
ఆదివారం సాయంత్రం 4 గంటలకు తుకోగంజ్ ప్రాంతంలోని రోడ్డుపై ఒక మహిళ వెళ్తున్నది. ఆమె మొబైల్ ఫోన్లో మాట్లాడుతూ రోడ్డు పక్కగా నడుస్తున్నది. ఇంతలో బైక్పై ఉన్న ఇద్దరు వ్యక్తులు మహిళ సమీపానికి వచ్చారు. బైక్ వెనుక కూర్చొన్న వ్యక్తి ఆ మహిళ చేతిలోని మొబైల్ ఫోన్ను లాక్కున్నాడు. అయితే మొబైల్ ఫోన్ను ఆమె గట్టిగా పట్టుకుంది. ఈ నేపథ్యంలో ఎగిరి రోడ్డుపై బోర్లా పడింది.
కాగా, ఆ మహిళకు స్వల్ప గాయాలయ్యాయి. తేరుకున్న వెంటనే స్థానిక పోలీసులకు ఆమె ఫిర్యాదు చేసింది. దీంతో సీసీటీవీ ఫుటేజ్ ద్వారా ఆ దొంగలను పోలీసులు గుర్తించారు. క్రైమ్ బ్రాంచ్ పోలీసులు వారిని వెంబడించగా పారిపోయేందుకు ప్రయత్నించారు. ఈ క్రమంలో రోడ్డుపై పడ్డారు. ఈ నేపథ్యంలో గంటల వ్యవధిలోనే ఆ దొంగలను అరెస్ట్ చేసినట్లు పోలీసులు తెలిపారు. మరోవైపు సీసీటీవీలో రికార్డైన ఈ వీడియో క్లిప్ సోషల్ మీడియాలో వైరల్ అయ్యింది.
#Indore – Woman Falls Face-First On Road As #Bikers Snatch #phone #Viralvideo #MadhyaPradesh #police #news #crime
Subscribe to our YouTube page: https://t.co/bP10gHsrFh pic.twitter.com/SnyDosEpMn
— UnMuteINDIA (@LetsUnMuteIndia) July 3, 2023