Visit:
కోల్‌కతా: ముగ్గురు వ్యక్తులు ఒక మహిళను కారులోకి లాగారు. ఆమెతో బలవంతంగా మద్యం తాగించారు. సామూహిక అత్యాచారానికి పాల్పడ్డారు. (Woman Raped in Car) ఆ తర్వాత ఒక చోట వదిలి పారిపోయారు. బాధితురాలి ఫిర్యాదుతో పోలీసులు కేసు నమోదు చేసి దర్యాప్తు చేస్తున్నారు. పశ్చిమ బెంగాల్‌ రాజధాని కోల్‌కతాలో ఈ సంఘటన జరిగింది. నవంబర్‌ 28న రాత్రి 9 గంటల సమయంలో వివాహిత అయిన 28 ఏళ్ల మహిళ ప్రగతి మైదాన్ పోలీస్ స్టేషన్ ప్రాంతంలోని బస్టాండ్ వద్ద యాప్ అగ్రిగేటర్ కారు కోసం వేచి ఉన్నది.
కాగా, ఒక కారు అక్కడకు వచ్చింది. ఆ మహిళకు మూడు నెలల నుంచి తెలిసిన వ్యక్తితో సహా ముగ్గురు అందులో ఉన్నారు. ఆమెను బలవంతంగా కారులోకి లాగారు. మత్తు మందు కలిపిన మద్యాన్ని ఆ మహిళతో తాగించారు. ఆ ముగ్గురు వ్యక్తులు ఆమెపై లైంగిక దాడికి పాల్పడ్డారు. ఆ తర్వాత ఆ ప్రాంతంలో వదిలేసి కారులో వెళ్లిపోయారు.
మరోవైపు ఆ మహిళ పరిస్థితిని గమనించిన స్థానికులు ఎస్ఎస్‌కేఎం ఆసుపత్రిలో చేర్చారు. హాస్పిటల్‌ సిబ్బంది పోలీసులకు సమాచారం ఇచ్చారు. దీంతో పోలీసులు అక్కడకు చేరుకున్నారు. బాధితురాలి నుంచి ఫిర్యాదు తీసుకున్నారు. ఈ సంఘటనపై కేసు నమోదు చేసి దర్యాప్తు చేస్తున్నట్లు పోలీస్ అధికారి తెలిపారు. నిందితులను గుర్తించి అరెస్ట్‌ చేసేందుకు ప్రయత్నిస్తున్నట్లు వెల్లడించారు.
Also Read:
buses collision in Tamil Nadu | రెండు బస్సులు ఢీ.. 11 మంది మృతి, 40 మందికి గాయాలు
Student Jumps From School Building | 52 సార్లు సారీ.. స్కూల్‌ బిల్డింగ్‌ పైనుంచి దూకిన విద్యార్థి
Watch: కస్టమర్‌గా నటించి.. బంగారు గొలుసులు ఎత్తుకెళ్లిన వ్యక్తి
