శ్రీనగర్: జమ్ముకశ్మీర్ రాష్ట్రంలోని సోఫియాన్లో ఈ ఉదయం మంచు వర్షం ( Snow fall ) కురిసింది. అది కూడా మమూలు మంచు వర్షం కాదు, భారీగా మంచు పడింది. దాంతో పరిసరాలన్నీ మంచులో కూరుకుపోయాయి. రహదారులు, రోడ్లపై పార్కు చేసిన వాహనాలు, ఇండ్ల పైకప్పులు మంచు దుప్పటిలో కూరుకుపోయాయి. రోడ్లపై అడుగు నుంచి మూడడుగుల మేర మంచు పేరుకుపోయింది. ఇండ్ల ముందు పార్కు చేసిన కార్లు, బైకులు.. రోడ్ల వెంట పార్కు చేసిన భారీ వాహనాలపై మంచులో మునిగిపోయాయి.
దాంతో జనం ఇండ్ల నుంచి బయటికి వచ్చే పరిస్థితి లేదు. ఇండ్లకే పరిమితమయ్యారు. అత్యవసర పనులు ఉన్న ఒకరిద్దరు మాత్రమే ఆ చలికి తట్టుకునేలా బూట్లు, మందపాటి వస్త్రాలు ధరించి వెళ్తున్నారు. ఆ దృశ్యాలను కింది వీడియోలో మీరు కూడా వీక్షించండి.