దేశం కోసం జవాన్‌ల సాహసం.. ఎముకలు కొరికే చలిలో మంచు కొండలపై.. వీడియో

BSF jawans | దేశంలోని పౌరులందరం ఇండ్లలో హాయిగా గుండెల మీద చేతులు వేసుకుని నిద్రపోతున్నామంటే అందుకు కారణం మన జవాన్‌లు. వారు పగలనక, రాత్రనక

న్యూఢిల్లీ: దేశంలోని పౌరులందరం ఇండ్లలో హాయిగా గుండెల మీద చేతులు వేసుకుని నిద్రపోతున్నామంటే అందుకు కారణం మన జవాన్‌లు. వారు పగలనక, రాత్రనక శత్రువుల కదలికలను కనిపెట్టుకుంటూ సరిహద్దుల్లో కాపలా ఉండటంవల్లే మనం ఏ భయమూ లేకుండా ప్రశాంతంగా ఉండగలుగుతున్నాం. కానీ మనం హాయిగా జీవనం గడపడం కోసం వాళ్లు ఎన్ని కష్టాలు పడతారో తెలుసా..? ఎన్ని సాహసాలు చేయాల్సి వస్తుందో ఎప్పుడైనా చూశారా..?

కింది వీడియో చూడండి..! మన బార్డర్‌ సెక్యూరిటీ ఫోర్స్‌ (బీఎస్‌ఎఫ్‌)కు చెందిన జవాన్‌లు కశ్మీర్‌ సరిహద్దుల్లోని వాస్తవాధీన రేఖ వెంబడి గస్తీ కాస్తున్నారు. ఎముకలు కొరికే చలిని కూడా లెక్కచేయకుండా, జారుతున్న మంచు కొండలపై పడుతూ లేస్తూ ముందుకు సాగుతున్నారు. మోకాళ్ల లోతు దిగబడుతున్న మంచులో మన జవాన్‌లు సాహసం చేస్తుండగా తీసిన వీడియోను బీఎస్‌ఎఫ్‌ వర్గాలు ట్విటర్‌లో పోస్టు చేశాయి.

#WATCH | BSF troops on an area domination patrol along the Line of Control in Kashmir.

(Source: BSF) pic.twitter.com/llsI5RJVtG

— ANI (@ANI) January 6, 2023