Fancy Number | అబుదాబి : దుబాయ్లో వీఐపీ కారు నెంబర్ పీ7 భారత కరెన్సీలో ఏకంగా రూ. 127.7 కోట్ల రికార్డు ధరకు అమ్ముడుపోయింది. మోస్ట్ నోబుల్ నెంబర్స్ ఆక్షన్లో ఈ నెంబర్కు ఆల్టైం రికార్డు ధర పలికింది. వేలం ప్రక్రియ శనివారం రాత్రి 15మిలియన్ల దీరాలతో ప్రారంభమై సెకండ్ల వ్యవధిలోనే 30మిలియన్ల దీరాంలు పలికింది.
ఇదే ధర వద్ద బిడ్ చాలా సేపు నిలిచిపోయింది. ఫ్రాన్స్ బిజినెస్మెన్, టెలిగ్రాం యాప్ వ్యవస్ధాపకుడు పవెల్ వలెవిక్ దురోవ్ ఈ ధరను బిడ్ చేశారు. ఆపై 55మిలియన్ దీరాంల వరకూ ధర ఎగబాకింది. ఇక ఇదే సమయంలో ఇతర వీఐపీ నెంబర్ ప్లేట్స్, ఫోన్ నెంబర్లకూ వేలం ప్రక్రియ కొనసాగింది. కార్ ప్లేట్స్, ఎక్స్లూజివ్ మొబైల్ నెంబర్ల సేల్ ద్వారా పెద్ద మొత్తంలో డబ్బు సమకూరింది. దుబాయ్లోని జుమేరా ఫోర్ సీజన్స్ హోటల్లో ఈ ఈవెంట్ నిర్వహించారు. దుబాయ్ రోడ్స్, ట్రాన్స్పోర్ట్ అథారిటీ ఎమిరేట్స్ ఆక్షన్ ఈ ఈవెంట్ను ఏర్పాటు చేసింది.
ఇక వేలం ద్వారా సమకూరిన నిధులన్నీ ప్రపంచ ఆకలని తీర్చేందుకు చేపట్టిన వన్ బిలియన్ మీల్స్ క్యాంపెయిన్కు వెళుతుంది. దుబాయ్ పాలకుడు, వైస్ ప్రెసిడెంట్ షేక్ మహ్మదఖ్ బిన్ రషీద్ వన్ బిలియన్ మీల్స్ ఎండోమెంట్ను ప్రారంభించారు. అత్యున్నత సేవ కోసం ఉద్దేశించిన ఈ బిడ్డింగ్ వార్లో పలువురు వీఐపీలు, వ్యాపార వేత్తలు పాల్గొనడంతో వేలం ప్రక్రియ విజయవంతమైంది.
Read More
Adrift | మధ్యదరా సముద్రంలో కొట్టుకుపోతున్న ఓడ.. చిక్కుకుపోయిన 400 మంది వలసదారులు