బెంగళూర్ : కర్నాటకలో కాంగ్రెస్ సీఎం అభ్యర్ధిగా ఎస్ఆర్ పాటిల్ సరైన నేతని సీనియర్ నేత, మాజీ సీఎం వీరప్ప మొయిలీ అన్నారు. పార్టీ సీఎం అభ్యర్ధి రేసులో సిద్ధరామయ్య, పార్టీ రాష్ట్ర శాఖ చీఫ్ డీకే శివకుమార్ రేసులో ఉండగా ఎస్ఆర్ పాటిల్ పేరును మొయిలీ తెరపైకి తీసుకురావడం గమనార్హం.
వొక్కలిగల మద్దతుతో రాష్ట్ర సీఎం పదవి చేపడతానని డీకే శివకుమార్ ఇటీవల సంకేతాలు పంపారు. కాంగ్రెస్ తరపున సిద్ధరామయ్య కర్నాటక సీఎం అభ్యర్ధిగా ముందుకొస్తారనే ప్రచారం సాగుతోంది. ఎస్ఆర్ పాటిల్ పార్టీలో సమర్ధుడైన నాయకుడని ఆయనను పీసీసీ చీఫ్ను చేయడంతో పాటు పార్టీ సీఎం అభ్యర్ధిగానూ ముందుకు తీసుకురావాలని మొయిలీ సూచించడం కాంగ్రెస్లో తాజా తలనొప్పులకు దారితీస్తోంది.
పాటిల్ జన్మదిన వేడుకల్లో మొయిలీ చేసిన వ్యాఖ్యలు కాంగ్రెస్ శ్రేణుల్లో హాట్ డిబేట్కు తెరలేపాయి. మరోవైపు 2023లో జరిగే అసెంబ్లీ ఎన్నికలు తనకు చివరి ఎన్నికలని మాజీ సీఎం, సీనియర్ కాంగ్రెస్ నేత సిద్ధరామయ్య గతంలో ప్రకటించారు.