లక్నో: వినాయక చవితి ఉత్సవాల్లో అపశృతి జరిగింది. ఒక గణేష్ మండపంలో నిర్వహించిన భజనలో హనుమంతుడు వేషం వేసిన కళాకారుడు డ్యాన్స్ చేస్తూ అక్కడ చనిపోయాడు. ఉత్తరప్రదేశ్లోని మెయిన్పురి జిల్లాలో ఈ సంఘటన జరిగింది. కొత్వాలి ప్రాంతంలోని శివాలయంలో వినాయక చవితి వేడుకల్లో భాగంగా శనివారం రాత్రి భజన కార్యక్రమం ఏర్పాటు చేశారు. అయితే ఆ భజన బృందానికి చెందిన రవి శర్మ అనే కళాకారుడు ఆంజనేయుడి వేషంలో అందరినీ ఆకట్టుకున్నాడు. భజనకు అనుగుణంగా డ్యాన్స్ చేశాడు. కొంతసేపటి తర్వాత ఆ మండపంపై భక్తులు కూర్చొన్న చోట బోర్లాపడిపోయాడు. అయితే ఇదంతా భజన, డ్యాన్స్లో భాగంగా అంతా అనుకున్నారు.
కాగా, హనుమంతుడు వేషం వేసిన రవి శర్మ చాలా సేపటి వరకు పైకి లేవలేదు. గమనించిన మండపం నిర్వాహకులు అతడ్ని వెంటనే మెయిన్పురి జిల్లా ప్రభుత్వ ఆసుపత్రికి తీసుకెళ్లారు. అయితే అప్పటికే అతడు మరణించినట్లు వైద్యులు తెలిపారు. ఈ సంఘటన ఆ గణేష్ మండపంలో విషాదాన్ని నింపింది. మరోవైపు ఈ వీడియో సోషల్ మీడియాలో వైరల్ అయ్యింది.
हनुमान जी का किरदार निभा रहे रवि शर्मा #मैनपुरी में गणेश पंडाल में नाच रहे थे
अचानक ज़मीन पर गिरे…..
जिला अस्पताल में डॉक्टर ने रवि को मृत घोषित कर दिया
जीवन में इससे बड़ी अनिश्चितता तो कुछ भी नहीं pic.twitter.com/cAaZTUDG7l
— Khanzar Sutra 'खंजर सूत्र' (@khanzarsutra) September 4, 2022