కాంగ్రెస్‌ నేతలపై కేంద్ర మంత్రి ప్రశంసలు

కేంద్ర మంత్రి, కేరళ బీజేపీ ఎంపీ సురేశ్‌ గోపి సంచలన వ్యాఖ్యలు చేశారు. కాంగ్రెస్‌ నేతలైన దేశ మాజీ ప్రధాని ఇందిరా గాంధీని ‘దేశానికి తల్లి’గా, రాష్ట్ర మాజీ సీఎం కే కరుణాకరన్‌ను ‘ధైర్యవంతమైన పాలకుడు’గా అభివర్ణించారు.

• చర్చనీయాంశంగా సురేశ్‌ గోపి వ్యాఖ్యలు

త్రిశ్శూర్‌: కేంద్ర మంత్రి, కేరళ బీజేపీ ఎంపీ సురేశ్‌ గోపి సంచలన వ్యాఖ్యలు చేశారు. కాంగ్రెస్‌ నేతలైన దేశ మాజీ ప్రధాని ఇందిరా గాంధీని ‘దేశానికి తల్లి’గా, రాష్ట్ర మాజీ సీఎం కే కరుణాకరన్‌ను ‘ధైర్యవంతమైన పాలకుడు’గా అభివర్ణించారు. కరుణాకరన్‌తో సాటు సీపీఎం నేత ఈకే నయనార్‌లను తన రాజకీయ గురువులుగా చెప్పడం చర్చనీయాంశంగా మారింది. త్రిశ్శూర్‌లోని కరుణాకరన్‌ స్మారకం వద్ద నివాళులర్పించిన అనంతరం సురేశ్‌ గోపి మీడియాతో మాట్లాడారు. కరుణాకరన్‌ స్మారక సందర్శన విషయంలో రాజకీయాలు ఆపాదించొద్దని, తన గురువుకు నివాళులర్పించేందుకు ఇక్కడకు వచ్చానని సురేశ్‌ పేర్కొన్నారు.