నిరసనకారులపై బలప్రయోగాన్ని మానుకోవాలి

భారతదేశంలో ఇటీవలి నిరసనల అణచివేత సందర్భంగా అధికారుల తీరుపై స్వతంత్ర దర్యాప్తు జరుగాలని మంగళవారం ఐక్యరాజ్యసమితి(యూఎన్‌) నిపుణులు కోరారు. ఈ ఆందోళనల్లో ప్రదర్శనకారులు గాయపడ్డారని, తమతో దౌర్జన్యంగా వ్యవహరించారని కొందరు తెలిపారని వారు పేర్కొన్నారు. ప్రధాని మోదీ నేతృత్వంలోని బీజేపీకి అనుకూలంగా ఓటర్ల జాబితాను సవరించారంటూ, ప్రధాన ఎన్నికల కమిషనర్‌ జ్ఞానేశ్‌కుమార్‌ రాజీనామాకు డిమాండ్‌ చేస్తూ ప్రతిపక్ష రాజకీయ పార్టీలు, విద్యార్థి సంఘాలు ఇటీవల భారతదేశంలో నిరసనలు చేపట్టాయి.

• భారత్‌ను కోరిన యూఎన్‌ నిపుణులు

న్యూఢిల్లీ: భారతదేశంలో ఇటీవలి నిరసనల అణచివేత సందర్భంగా అధికారుల తీరుపై స్వతంత్ర దర్యాప్తు జరుగాలని మంగళవారం ఐక్యరాజ్యసమితి(యూఎన్‌) నిపుణులు కోరారు. ఈ ఆందోళనల్లో ప్రదర్శనకారులు గాయపడ్డారని, తమతో దౌర్జన్యంగా వ్యవహరించారని కొందరు తెలిపారని వారు పేర్కొన్నారు. ప్రధాని మోదీ నేతృత్వంలోని బీజేపీకి అనుకూలంగా ఓటర్ల జాబితాను సవరించారంటూ, ప్రధాన ఎన్నికల కమిషనర్‌ జ్ఞానేశ్‌కుమార్‌ రాజీనామాకు డిమాండ్‌ చేస్తూ ప్రతిపక్ష రాజకీయ పార్టీలు, విద్యార్థి సంఘాలు ఇటీవల భారతదేశంలో నిరసనలు చేపట్టాయి.

‘సమావేశాలు శాంతియుతంగా జరిగినప్పటికీ, నిరాయుధులైన విద్యార్థులపై పోలీసులు బలప్రయోగం చేశారు. వేలాది మంది నిరసనల్లో పాల్గొనకుండా అడ్డుకున్నారు’ అని రెండు డజన్ల స్వతంత్ర నిపుణులు ఒక ప్రకటనలో తెలిపారు. ‘అధికారులు తక్షణమే అధిక బలప్రయోగాన్ని ఆపాలని, సమావేశాలపై నిషేధాలను రద్దు చేయాలని, బయోమెట్రిక్స్‌, ఇంటర్నెట్‌ అంతరాయాలతో సహా డిజిటల్‌ నిఘా దుర్వినియోగాన్ని నిలిపివేయాలని మేము కోరుతున్నాము’ అని వారు పేర్కొన్నారు.