రెండు ఆర్టీసీ బస్సులు ఢీ.. 11 మంది దుర్మరణం : తమిళనాడులో ఘటన

తమిళనాడులోని కరైకుడికి 15 కిలోమీటర్ల దూరంలో ఆదివారం రెండు ఆర్టీసీ బస్సులు ఢీ కొన్నాయి. ఈ ప్రమాదంలో 11 మంది మృతి చెందగా, 54 మంది గాయపడ్డారు.

కరైకుడి: తమిళనాడులోని కరైకుడికి 15 కిలోమీటర్ల దూరంలో ఆదివారం రెండు ఆర్టీసీ బస్సులు ఢీ కొన్నాయి. ఈ ప్రమాదంలో 11 మంది మృతి చెందగా, 54 మంది గాయపడ్డారు. క్షతగాత్రులను ప్రభుత్వ దవాఖానలకు తరలించారు. మృతుల్లో తొమ్మిది మంది మహిళలు, ఇద్దరు పురుషులు ఉన్నారు.

ప్రమాదానికి స్పష్టమైన కారణం తెలియదని.. దానిపై దర్యాప్తు చేస్తున్నామని సీనియర్‌ పోలీస్‌ అధికారి ఒకరు తెలిపారు. వారం వ్యవధిలో తమిళనాడులో బస్‌ ప్రమాదం జరగడం ఇది రెండోసారి. ఇటీవల తెన్‌కాశీ జిల్లాలో జరిగిన ఇలాంటి ప్రమాదంలో ఆరుగురు చనిపోగా, 50 మంది గాయపడ్డారు.