Goods trains | ఒకే ట్రాక్‌పై ఎదురెదురుగా వచ్చిన గూడ్స్‌ రైళ్లు.. తర్వాత ఏమైందంటే..

Goods trains | మధ్యప్రదేశ్‌లో (Madhyapradesh) శాహ్‌డోల్‌ (Shahdol) జిల్లాలో భారీ రైలు ప్రమాదం జరిగింది. సింగ్‌పూర్‌ రైల్వే స్టేషన్‌ (Singhpur Railway station) సమీపంలో ఎదురెదురుగా వస్తున్న రెండు రైళ్లు (Collided) ఢీకొన్నాయి. దీంతో ఒక్కసారిగా మంటలు చెలరేగాయి.

Goods trains | మధ్యప్రదేశ్‌లో (Madhyapradesh) శాహ్‌డోల్‌ (Shahdol) జిల్లాలో భారీ రైలు ప్రమాదం జరిగింది. సింగ్‌పూర్‌ రైల్వే స్టేషన్‌ (Singhpur Railway station) సమీపంలో ఎదురెదురుగా వస్తున్న రెండు రైళ్లు (Collided) ఢీకొన్నాయి. దీంతో ఒక్కసారిగా మంటలు చెలరేగాయి. ఈ ప్రమాదంలో ఓ లోకోపైలట్‌ మరణిచగా, మరో ఐదుగురు గాయపడ్డారు. బుధవారం ఉదయం 6.45 గంటల సమయంలో సింగ్‌పూర్‌ రైల్వే స్టేషన్‌ సమీపంలో ఓ గూడ్సు రైలు (Goods train) ఆగింది. అదే ట్రాక్‌పై వచ్చిన మరో గూడ్స్‌ ట్రైన్‌ దానిని ఢీకొట్టింది. దీంతో ఒక రైలు బోగీలు.. మరో దానిపై పడ్డాయి.

ట్రాక్‌ మొత్తం ధ్వంసమైపోయింది. ప్రమాదం ధాటికి రైలింజన్‌లో మంటలు చెలరేగాయి. సమాచారం అందుకున్న అధికారులు, పోలీసులు ఘటనా స్థలానికి చేరుకుని సహాయక చర్యలు చేపట్టారు. అగ్నిమాపక సిబ్బంది మంటలను అదుపులోకి తీసుకొచ్చారు. ఈ ప్రమాదంలో రాజేశ్‌ ప్రసాద్‌ గుప్తా అనే లోకోపైలట్‌ అక్కడికక్కడే మృతిచెందినట్లు గుర్తించారు. మరో ఐదుగురు గాయపడగా వారిలో ఇద్దరి పరిస్థితి విషమంగా ఉందని అధికారులు తెలిపారు. బిలాస్‌పూర్‌-కట్నీ మార్గంలో రైళ్ల రాకపోకలకు అంతరాయం కలిగినట్లు తెలిపారు.