Visit:
Tricolour hoisting | దేశానికి స్వాతంత్య్రం వచ్చి దశాబ్ధాలు గడుస్తుండగా.. స్వాతంత్య్రోద్యమంలో అమరులైన వారిని, స్వాతంత్య్ర సమరయోధులను తలుచుకుంటూ ప్రతీ యేటా జరుపుకున్నట్టుగానే దేశవ్యాప్తంగా ఆగస్టు 15 (శనివారం) న ఘనంగా సంబురాలు జరిగిన విషయం తెలిసిందే. అయితే ఏండ్లు గడుస్తున్నా ఓ ప్రాంతంలో మాత్రం జాతీయ జెండా ఎగురవేయాలని ఉన్నా ఏమీ చేయలేని పరిస్థితి. దేశ ప్రజలు అందరితో కలిసి స్వాతంత్య్ర వేడుకల్లో పాల్గొనాలని వారికి ఉన్నా ఏం చేయలేకపోయారు. త్రివర్ణ పతకాన్ని ఎగురవేయాలన్న ఆ గ్రామ ప్రజల ఎన్నో ఏండ్ల కల ఇప్పటికీ తీరింది.
స్వాతంత్ర్య దినోత్సవం సందర్భంగా అబుజ్మార్ ప్రాంతంలోని బోటర్ గ్రామంలో తొలిసారిగా త్రివర్ణ పతాకాన్ని ఎగురవేశారు. ఛత్తీస్గఢ్ అంటే నక్సల్స్ ప్రభావిత ప్రాంతం అని తెలిసిందే. ఒకప్పుడు ఈ ప్రాంతంలో నక్సల్స్ ప్రభావం ఎక్కువగా ఉండటంతో ఇక్కడ జాతీయ జెండాను ఎగురవేయడం ప్రాణాలకు ముప్పు వాటిల్లే ప్రమాదముందని భావించే పరిస్థితులు నెలకొన్నాయి. అయితే ఈ సారి మాత్రం ఆ సంకెళ్లను తెంపుకొని గ్రామ వాసులు, చిన్నారులు జవాన్లు, సైనికులతో కలిసి తొలిసారి జెండావిష్కరణ చేశారు. జవాన్లు జెండావిష్కరణ చేసిన అనంతరం భారత్ మాతా కీ జై అని నినదించగానే.. చిన్నా, పెద్దా అంతా ఆనందంతో చేతులు పైకెత్తుతూ నినాదాలు చేశారు.
బోటర్ గ్రామానికి చెందిన యువకుడు కరు రామ్ మాండవి మీడియాతో మాట్లాడుతూ.. గతంలో నక్సలైట్లు ఇక్కడికొచ్చి త్రివర్ణ పతాకాన్ని ఎగురవేయకుండా మమ్మల్ని అడ్డుకునేవారు.. ఎవరైనా వాళ్ల మాటలను ధిక్కరిస్తే ప్రజలను కొట్టేవారు. గతేడాది నుంచి ఇక్కడికి ఏ నక్సలైట్ రాలేదు. గత సంవత్సరమే ఇక్కడ పోలీస్ క్యాంపును ఏర్పాటు చేశారని అన్నాడు.
తొలిసారి జెండా పండుగను జరుపుకుంటున్న ఆనందం అందరి ముఖాల్లో కనబడింది. దీనికి సంబంధించిన వీడియో ఇప్పుడు నెట్టింట వైరల్ అవుతోంది.
#WATCH | Chhattisgarh: Tricolour hoisted for the first time in Boter village of Abujmarh on Independence Day today. This was once Naxal-affected, and hoisting the Tricolour here meant a threat to one’s life. (15.08) pic.twitter.com/Ru5HVBvw0g
— ANI (@ANI) August 16, 2026
#WATCH | Chhattisgarh: A local of Boter village, Karu Ram Mandavi, says, “We have hoisted the Tricolour for the first time here today. Before this, Naxals used to come here and forbid us from hoisting the Tiranga. If one defied them, they used to beat up people. No Naxal has come… pic.twitter.com/sEnR99TvxP
— ANI (@ANI) August 16, 2026
